Енді көлік иелігінің тарихы туралы ақпаратты смартфон арқылы алуға болады, бұл көлік сатып алу кезінде тәуекелдерді азайтуға мүмкіндік береді.
Алғашында бұл қызмет тек электрондық үкімет порталы арқылы қолжетімді болса, енді eGov Mobile қосымшасы пайдаланушыларына да ұсынылады.
Қызмет көліктің толық ақпаратын тексеруге мүмкіндік береді:
— маркасы, шығу жылы, қозғалтқыш көлемі, кузов түсі және қосымша жабдықтар;
— көліктің ҚР аумағында алғашқы тіркелген күні;
— кепілдеме немесе құқықтық шектеулердің бар-жоғы;
— бұрынғы иелерінің жалпы саны (олардың жеке деректері құпия сақталады).
Қызметті пайдалану үшін не істеу қажет?
— eGov Mobile қосымшасына кіріп, «Қызметтер» бөлімінен «Жүргізушілік және көлік» бөлімін таңдап, «Автокөлік иелігінің тарихы» қызметін таңдаңыз;
— көліктің мемлекеттік нөмірін және көлік құралының тіркеу куәлігінің нөмірін енгізіңіз;
— «Іздеу» батырмасын басып, көлік туралы толық мәлімет алыңыз.
