Еуропалық көлік пен экология федерациясы жариялаған жаңа есеп көрсеткендей, қосымша электр қуатымен жүретін гибрид көліктерінің (PHEV) экологиялық тиімділігі күмән туғызады. Ұйым мәліметі бойынша, олардың көмірқышқыл газын шығару деңгейі дәстүрлі бензинді көліктерден аса айырмашылығы жоқ, әрі бұл көрсеткіш уақыт өте келе артып келеді.
2021–2023 жылдары тіркелген 800 мыңнан астам гибрид автокөліктерді зерттеген талдау көрсеткендей, 2023 жылғы модельдердің нақты шығарындылары ресми WLTP стандартымен салыстырғанда бес есе жоғары болған. Бұл айырмашылық 2021 жылы 3,5 есе болса, 2023 жылы 4,9 есеге жеткен. Орта есеппен PHEV-тің шығарындылары бензинді көліктерге қарағанда тек 19 пайызға төмен, ал стандарт бойынша 75 пайызға аз болуы тиіс еді.
Негізгі себептер ретінде электр режимінде жүру ұзақтығына қойылған жоғары талаптар мен техникалық шектеулер аталады. Теория бойынша көліктің 84 пайыз жолы электр қуатымен жүруі тиіс, ал шын мәнінде тек 27 пайыз ғана өтеді. Тіпті батареядан жүріп жатқан кезде де іштен жанатын қозғалтқыш қосылып, ресми көрсеткіштен тоғыз есе көп шығарындыларға себеп болады. Сонымен қатар, көліктің салмағының үлкендігі мен электр қозғалтқышының қуатының ДВС-ке салыстырмалы аз болуы да шығарындыларды арттырады. Жылдам зарядтау инфрақұрылымының жоқтығы мен ыңғайсыздығы да жүргізушілерді жиі бензинмен жүруге мәжбүрлейді, бұл отын шығындарын арттырады.
