Canon компаниясы жаңа стереоскопиялық объективін таныстырды. Бұл Canon RF-S7.8mm F4 STM DUAL объективі кеңістікке арналған бейне жазу үшін арнайы әзірленген. АҚШ-та лбъективті 450 долларға алдын ала тапсырыспенсатып алуға болады. Сатылым қараша айының ортасына жоспарланған.
Жаңа объектив жоғары жылдамдықты автофокус механизмімен жабдықталған, бұл операторларға жарықтандыру жағдайлары қиын болған кезде де нақты әрі таза кеңістік бейнесін түсіруге мүмкіндік береді. Бұл объектив Canon EOS R7 камерасына бекітіліп, AR/VR құрылғыларында 3D форматында бейнематериал жазуға мүмкіндік береді. Мысалы, Apple Vision Pro және Meta Quest 3 сияқты құрылғылармен үйлесімді жұмыс істейді.
Canon мен Apple осы оаталмыш бъективті биылғы маусым айында WWDC шарасында таныстырған болатын. Бұл объектив кеңістік бейнелерін түсіруге арналған арнаулы құрылғы болып табылады.
Canon EOS R7 камерасы мен жаңа объективті пайдаланып түсірілген бейнежазбаларды Mac жүйесіндегі Final Cut Pro бағдарламасында өңдеуге болады. Дайын бейнемазмұнды Vimeo платформасына жүктеу де жүзеге асады.Final Cut Pro бағдарламасы қараша айының ортасында кеңістік бейнематериалды өңдеуге арналған жаңа мүмкіндіктермен жаңартылатын болады. Ал, Vimeo өткен айда Vision Pro үшін кеңістік бейнежазбаларын қолдайтын жаңа қосымшасын шығарды.
Сонымен қатар, iPhone 15 Pro және барлық iPhone 16 модельдерінде кеңістік бейнесін жазу мүмкіндігі бар. Бұл үшін қосымша құрылғылар қажет емес.
