Қазақстандық сегіз жасар Аиша Есет пен Ева ЖуркинаTechnovation Girls Global Summit 2024-де «Technical Prize» марапатына ие болды. Бұл іс-шара АҚШ-та, Кремний алқабындағы NVIDIA компания кеңсесінде өтті.
Олардың IHear мобильді қосымшасы ЖИ-ні пайдаланып, кохлеарлы импланттары бар балаларға сөйлеуді дамыту, сөздерді түсіну және есте сақтау жаттығуларын жүргізуге көмектеседі. «IHear» қосымшасы үздік техникалық шешімдердің бірі атанды.
Ева мен Аиша- жобаның ең жас қатысушылары. Өз жастарына қарамастан, «Ihear» жобасы кодтау мен техникалық даму тұрғысынан жоғары баға алды.
«Біз кохлеарлы импланттары бар балаларға, мысалы, біздің досымыз Айлинге, сөйлеуге және қарым-қатынас жасауға көмектесетін қосымша жасауды қаладық,» — деді Аиша Есет.
2024 жылы Technovation Girls бағдарламасына 69 елден 11 000-нан астам қыздар қатысып, әлеуметтік мәселелерді шешуге арналған 3 200 технологиялық шешімді ұсынды. Қазақстан да жақсы нәтижелер көрсетті: біздің елден 2 345 қыз қатысып, 18 топ құрамасы жартылай финалға өтті.
«Жобамыздың жоғары бағалануы на өте қуаныштымыз, IHear бағдарламасы әлем бойынша көптеген балаларға көмектесетініне үміттенеміз,» — деп қосты Ева Журкина.
Бұл жаһандық білім беру бағдарламасы қыздарды ерте жастан бастап технологиялар мен кәсіпкерлікті қолдануға үйретуді мақсат етеді. Қазақстанда бағдарлама Yandex Qazaqstan-ның қолдауымен жүзеге асырылып келеді. 8 жыл ішінде бағдарлама аясында 2 000-нан астам қыз түрлі өңірлерден мобильді қосымшаларын жасап, әлеуметтік мәселелерді шешуге бағытталған жобалар ұсынды. Қазақстандық командалар Сан-Францискоға (АҚШ) жеті рет барып, өз жобаларын әлемдік деңгейде таныстырды.
