Өскемен қаласындағы қоғамдық көліктерге бейнекамералар орнатылмақ. Бұл бастама облыс әкімі Нұрымбет Сақтағановтың тапсырмасы бойынша жүзеге асырылады. Жоба аясында бейнекамералар облыстық полиция департаментінің Оперативті басқару орталығына интеграцияланады.
Әкімнің айтуынша, бейнекамералардың осылайша жүйеге қосылуы құқық қорғау органдарына ақпаратты жедел түрде жеткізуге мүмкіндік береді. Бұл қоғамдық көліктердегі құқық бұзушылықтар мен тәртіпсіздіктерге тез арада жауап қайтаруға, сондай-ақ жолаушылардың қауіпсіздігін қамтамасыз етуге көмектеседі.
Әкімдік өкілдері бұл жобаның қоғамдық тәртіпті сақтау мен көлік қауіпсіздігін арттырудағы маңызды қадам екенін атап өтті.
