Қазақстандықтар мемлекеттік қызметтің кеңейтілген нұсқасы арқылы білім беру құжаттарындағы мәліметтерді тексеріп, қателерді түзету және оларды цифрлық форматта алуға мүмкіндік алды. Бұл үшін аттестаттар мен дипломдардың скан-көшірмесін жүктеп, олардың цифрлық нұсқасын жасауға болады.
Құжаттың цифрлық нұсқасын алу үшін төмендегі қадамдарды орындау қажет:eGov.kz порталына тіркеліп, «Азаматтарға» – «Білім беру» бөліміне өтіңіз.
«Білім беру құжаттары туралы мәліметтерді жаңарту (құжаттарды түзету)» қызметін таңдап, «Қызметті онлайн тапсырыс беру» батырмасын басыңыз.
Өтініш түрін – «Білім беру құжаттарын цифрлық форматқа көшіру » деп көрсетіңіз.
Құжат түрін таңдап, оның скан-көшірмесін жүктеңіз.
Қызметтің нәтижесі жеке кабинетіңіздегі «Қызметтер тарихы» бөлімінде пайда болады.
Қазіргі уақытта 1980-2023 жылдар аралығында берілген орта білім, арнаулы және техникалық білім туралы құжаттардың цифрлық көшірмесін жасау мүмкіндігі бар. Қызметтің көрсетілу мерзімі – 5 жұмыс күні.
