Қазіргі таңда компьютер техникасы бизнестегі жұмыс тиімділігін арттырудың негізгі құралдарының бірі болып отыр. Осы орайда, біз оқырмандарға компьютерлік техникадағы жаңалықтарды таныстыра отырып, кәсіби тәжірибесі мол мамандардың пікірін жеткізуді мақсат етеміз. Бүгінгі біздің қонағымыз – IkonTyres KZ компаниясының аймақтық сатылым менеджері Талап Джарасбеков.
Талап – шешім қабылдауда нақтылық танытатын, жұмысы қарбалас тұлға. Аймақтық менеджер лауазымы тек атақ қана емес, ол үнемі қоңыраулар, есептер, келіссөздер мен әртүрлі тапсырмалар ағысымен байланысты. Логистика мен жеткізілім саласында жұмыс істегенде уақытты жоғалтуға болмайды. Мұндай қарбалас ортада техника тек ыңғайлы емес, сонымен қатар сенімді болуы маңызды. Сондықтан Талаптың кеңсесінде ASUS ExpertCenter P400 AiO (P470VA) моноблокы пайда болып, күнделікті жұмысында негізгі құралға айналды. Бұл мақалада біз осы моноблоктың артықшылықтарын талдай отырып, қонағымыздың тәжірибесін толықтырып баяндаймыз.
ASUS ExpertCenter P400 AiO (P470VA) моноблогын таңдаудың себебі неде?
Талап: Кеңсе жұмысына арналған компьютерлерді қарастырғанда, көпшілік үшін бастысы – құрылғының тек қосылып, жұмыс істей алуы. Алайда мен үшін бұл жеткіліксіз. Ikon Tyres компаниясында мен бір уақытта сату, логистика, маркетинг және серіктестермен келіссөздерді бақылауым қажет. Барлық ақпарат бірден көз алдында көрініп тұруы маңызды. Осы талаптар ASUS ExpertCenter P400 AiO моноблогын таңдауға негізгі себеп болды.
Моноблоктың екінші маңызды артықшылығы – оның дисплейі. 27 дюймдік экран, 178 градусқа дейінгі кең көру бұрышы, sRGB түстік кеңістігінің 99%-ы, IPS матрицасы және өте жұқа жақтау комбинациясы суретті экранның басым бөлігіне сыйдыруға мүмкіндік береді. Excel кестесін жарты экранда ашып, қасында презентацияны орналастыру және бұрышта электрондық поштаға көз тастау ыңғайлы, өйткені әрбір терезе бір-бірімен қабаттаспайды, көзді шаршатпайды. Сонымен қатар, матовый беті мен TÜV сертификаты жарықтандыру кезінде монитордағы жылтырауды азайтады, бұл кеңседе күні бойы 8–10 сағат жұмыс істегенде көздің шаршауын едәуір төмендетеді.
Моноблоктың артқы панелі мен қосымша мүмкіндіктері
ASUS ExpertCenter P400 AiO құрылғысының артқы панелі мен техникалық шешімдері пайдаланушының жайлылығын барынша қамтамасыз етуге бағытталған. Құрылғыны алғаш пайдаланған сәттен-ақ оның әрбір бөлігі ыңғайлылық пен тиімділікті көздеп жасалғаны байқалады.
Төменгі бөлігінде ең қажетті тетіктер мен қосылымдар орналасқан: кеңседе ортақ пайдаланылатын жағдайда құрылғының қауіпсіздігін қамтамасыз ететін Kensington құлып ұясы, дыбысты тез қосуға арналған құлаққап ұясы, USB 2.0 Type-A порты және қажет болғанда HDMI бейнеарнасын ауыстыру түймесі бар. Барлық элементтер пайдаланушы қолы жетер жерде орналасқандықтан, қосымша іздеудің немесе кабельдерді реттеудің қажеті жоқ.
Артқы панель де функционалдық тұрғыдан тиімді. Мұнда HDMI 1.4 кірісі, үш USB 3.2 Gen1 Type‑A, USB 3.2 Gen1 Type‑C порттары, LAN (RJ‑45) сымды интернетке қосылу мүмкіндігі және қуат қосылымы орналасқан. Мұндай шешім бірнеше құрылғыны қатар пайдалануға мүмкіндік береді әрі сымдардың шатасуын болдырмайды. Порттардың барлығы ретімен орналасқандықтан, пайдаланушы неге қайсысын қосатынын оңай анықтай алады.
Сымды және сымсыз байланыс тұрғысынан ASUS ExpertCenter P400 AiO (P470VA) жоғары деңгейдегі тұрақтылық пен өнімділікті көрсетеді. LAN қосылымы гигабиттік жылдамдықты қамтамасыз етеді, Wi-Fi 6E технологиясы деректер алмасуды үздіксіз жүргізуге мүмкіндік береді. Сонымен қатар, Bluetooth 5.3 нұсқасы пернетақта, тінтуір және гарнитура сынды сыртқы құрылғылармен кідіріссіз әрі сенімді байланыс орнатады. Ал Wi-Fi 7 қолдауы бар нұсқада желінің жылдамдығы мен тұрақтылығы одан да жоғары деңгейге жетеді, бұл заманауи цифрлық ортада тиімді жұмыс істеуге мүмкіндік береді.
Талап: Маған ASUS ExpertCenter P400 AiO (P470VA) моделінде не ұнады?
Біріншіден, құрылғының моноблоктық құрылымы оның басты ерекшелігі болып табылады. Барлық қажетті компоненттер бір жүйеге біріктірілгендіктен, қосымша жүйелік блоктар мен артық сымдар қажет емес. Мұндай ықшам шешім кеңсе кеңістігін үнемдеп қана қоймай, жұмыс ортасын барынша жинақы әрі эстетикалық тұрғыда ыңғайлы етеді.
Екіншіден, құрылғының таңдалу себебі оның сыртқы келбетінде емес, практикалық тиімділігінде жатыр. ASUS ExpertCenter P400 AiO күнделікті кәсіби міндеттерді орындауға арналған жоғары өнімді шешім болып табылады.
Құрылғының басты техникалық артықшылығы – Intel Core i7-13620H процессоры (10 ядро, жиілігі 4,9 ГГц-ке дейін). Бұл көрсеткіш жоғары есептеу қуатын талап ететін жұмыс түрлеріне — мысалы, CRM жүйелерімен жұмыс, үлкен көлемдегі Excel деректерімен есеп жүргізу, бейнеконференциялар мен аналитикалық бағдарламаларды бір уақытта іске қосу сияқты міндеттерге толық жауап береді.
Үшіншіден, заманауи кәсіби қызметтегі маңызды аспектілердің бірі — деректерді сақтау мен оларды тиімді пайдалану мүмкіндігі. Ақпарат көлемі артқан сайын көптеген қызметкерлер жадтың шектеулілігіне байланысты мәліметтерді сыртқы тасымалдаушыларда сақтауға мәжбүр болады. Алайда ASUS ExpertCenter P400 AiO (P470VA) құрылғысында мұндай мәселе туындамайды. Құрылғы 16 ГБ жедел жадпен жабдықталғанымен, оны 64 ГБ-қа дейін кеңейтуге болады. Сонымен қатар, терабайттық SSD жинақтауыштың болуы пайдаланушыға бірнеше жылдық есептік материалдарды, клиенттік деректер қорын және көп көлемді мультимедиялық файлдарды еш қиындықсыз сақтау мүмкіндігін береді. Бұл өз кезегінде ақпараттық қауіпсіздікті қамтамасыз етуге, деректермен жедел жұмыс істеуге және өндірістік тиімділікті арттыруға ықпал етеді.
Төртіншіден, соңғы жылдары онлайн-коммуникация құралдары еңбек процесінің ажырамас бөлігіне айналды. Zoom, Microsoft Teams, Google Meet секілді платформалар арқылы қашықтан жиналыстар мен келіссөздер жүргізу кеңінен таралған. Осыған байланысты құрылғының техникалық жабдықталуы ерекше мәнге ие. ASUS ExpertCenter P400 AiO (P470VA) үлгісінде жоғары сапалы FHD-IR веб-камера (720p және 5 МП нұсқалары бар), көп бағытты микрофондар және стерео дыбыс жүйесі орнатылған. Сонымен қатар, жасанды интеллект негізінде жұмыс істейтін шу басу технологиясы (AI noise-cancellation) бейнеконференциялар кезінде дыбыстың анықтығын қамтамасыз етеді.
Мұндай техникалық шешімдер онлайн-коммуникация сапасын арттырып қана қоймай, кәсіби этика мен іскерлік имиджді де нығайтады. Камераның корпустың ішіне еніп кететін құрылымы жеке деректердің құпиялығын сақтауға мүмкіндік береді. Бұл аспект қазіргі цифрлық ортада ақпараттық қауіпсіздік пен пайдаланушының жеке кеңістігін қорғау тұрғысынан маңызды.
Mobilaser: ASUS компаниясы әзірлеген жасанды интеллект технологиялары бүгінде жұмыс үдерісін оңтайландыру мен деректер қауіпсіздігін қамтамасыз етуде маңызды рөл атқарып келеді. Сіздің тәжірибеңізде бұл мүмкіндіктер қаншалықты тиімді болды?
Талап: Мен ASUS ExpertCenter P400 AiO моноблогын алғаш қолданған сәттен-ақ, оның жай ғана техникалық құрал емес, сенімді цифрлық серіктес екенін түсіндім. Құрылғы ең алдымен жоғары қауіпсіздік жүйесімен ерекшеленеді. BIOS жүйесі NIST SP 800–155 халықаралық стандарты бойынша қорғалған, ал TPM 2.0 криптопроцессоры шифрлау кілттерін сенімді түрде сақтайды. Бұл — деректерге рұқсатсыз қол жеткізу әрекеттерінің алдын алуға бағытталған заманауи тетік.
Маған әсіресе BIOS пен драйверлерге арналған қауіпсіздік жаңартуларының бес жыл бойы қолжетімді болуы ұнайды. Бұл фактор — ұйымдар мен компаниялар үшін ұзақмерзімді қорғаныс кепілі. Мысалы, мен сияқты қаржы және құпия есептермен жұмыс істейтін мамандар үшін бұл сенімді әрі тұрақты шешім.
Mobilaser: Ал жасанды интеллект құралдарын тәжірибеде қалай қолдандыңыз?
AI ExpertMeet — менің виртуалды әріптесім секілді, бірақ ешқандай эмоциясыз және үзіліссіз жұмыс істейді. Ең бастысы — ол толықтай локалды түрде жұмыс істейді, яғни мәліметтер сыртқы серверлерге жіберілмейді. Бір кездесуде әріптесім өте жылдам сөйлеп, ақпаратты түсіну қиын болған жағдай болды.
Сол кезде AI Meeting Minutes функциясы жазбаны автоматты түрде талдап, әрбір спикердің сөзін бөліп, негізгі ойларды қысқаша әрі нақты конспектіге айналдырды. Бұл уақытты да, күшті де үнемдейді.
Mobilaser: Халықаралық онлайн-коммуникацияларда да жасанды интеллект маңызды рөл атқара ма?
Талап: Әлбетте. Мысалы, халықаралық бейнеконференциялардың бірінде қатысушылардың бірі ағылшын, екіншісі қазақ немесе орыс тілінде сөйлеп отырды. Сол сәтте мен AI Translated Subtitles қызметін қолдандым. Нәтижесінде жүйе бір мезетте барлық сөздерді қажетті тілдерге аударып, нақты субтитрлермен ұсынды. Ешкім ақпаратты қайта сұрамады, талқылау үздіксіз жүрді.
Бұл функцияның маңыздылығы, әсіресе акцентпен сөйлейтін немесе бір-бірін жиі бөліп кететін спикерлер қатысқан жағдайда, ерекше байқалады. Мұндай жағдайда жүйе қарым-қатынастың анықтығын сақтап, коммуникация сапасын айтарлықтай арттырады. Демек, жасанды интеллект тек техникалық инновация емес, тиімді және түсінікті өзара байланыс орнатуға ықпал ететін интеллектуалды экожүйенің маңызды элементіне айналып отыр.
ASUS ExpertCenter P400 AiO үлгісінде бұл үрдіс айқын көрініс табады. Мұнда заманауи цифрлық шешімдер мен жасанды интеллект технологияларының бірігуі тек өнімділікті арттырумен шектелмей, ақпараттық қауіпсіздікті жаңа деңгейге көтереді. Мұндай технологиялық интеграциялар ұйымдар мен мекемелер үшін стратегиялық маңызы бар серіктестік құралына айналып, жұмыс үдерісін оңтайландыруға, адами фактордан туындайтын тәуекелдерді азайтуға және жалпы киберқауіпсіздік мәдениетін нығайтуға ықпал етеді.
Қазіргі таңда жұмыс кеңістігін ықшам әрі өнімді ету маңызды талаптардың біріне айналды. Осындай жағдайда ASUS компаниясы ұсынған ExpertCenter P400 AiO (P470VA) моноблогы заманауи технологиялар мен қолдануға ыңғайлылықты тиімді үйлестірген құрылғы ретінде ерекшеленеді.
ASUS енгізген жасанды интеллект жүйелері (AI) құрылғының негізгі артықшылықтарының бірі болып отыр. Мысалы, AI Noise-Canceling функциясы — кеңседегі шулы ортада жұмыс істеуге таптырмас мүмкіндік. Бір мезетте бірнеше адам сөйлесіп, көшеде құрылыс жүріп жатса да, бұл жүйе артық дыбыстарды сүзгіден өткізіп, тек қолданушының дауысын анық жеткізеді. Уақыт өте келе алгоритмдер дыбыстық ортаны меңгеріп, әр сеанста одан да анық жеткізеді.
Сол сияқты, жасанды интеллектімен басқарылатын камера да жұмыс процесін едәуір жеңілдетеді. Камера автоматты түрде жарықты, фонды және кескін айқындығын реттейді. Егер пайдаланушы бейнеконференцияны бейресми ортада өткізсе, мысалы, үйдің асханасында, жүйе артқы фонды бірден алмастырып, бейненің кәсіби көрінуін қамтамасыз етеді.
Жалпы алғанда, ASUS компаниясының бағдарламалық экожүйесінде интеллектуалды технологияларға негізделген шешімдер кеңінен қолданылуда. Соның ішінде AI ExpertMeet секілді құралдар іскерлік коммуникацияның тиімділігін арттыруда ерекше орын алады. Аталған бағдарлама сөйлеушінің дауысын дәл ажыратып, автоматты түрде мәтіндік конспект жасайды, нақты уақытта субтитрлерді аударады және фондық шуды сүзгіден өткізіп, дыбыс сапасын жақсартады. Мұндай мүмкіндіктер қашықтан жұмыс істейтін мамандар мен онлайн-кездесулер өткізетін ұйымдар үшін коммуникация үдерісін жеңілдетіп, жұмыс тиімділігін айтарлықтай арттырады.
Техникалық қуат пен өнімділік тұрғысынан P400 AiO жоғары деңгейде. Intel Core i7 процессоры мен терабайттық SSD жадтың арқасында бірнеше қосымшамен қатар жұмыс істеу еш қиындық тудырмайды. Файлдар тез ашылады, бейнежазбалар мен графикалық материалдар кідіріссіз өңделеді. 16 ГБ жад жеткілікті болғанымен, қажет жағдайда оны 64 ГБ-қа дейін кеңейтуге болады.
Экранның айқындығы мен жарықтығы көзге салмақ түсірмей, ұзақ уақыт жұмыс істеуге мүмкіндік береді. HDMI және басқа да қосылымдар құрылғыны ноутбукпен немесе қосымша мониторлармен оңай біріктіруге жағдай жасайды. Ал Dolby Atmos жүйесі бар динамиктер бейнеконференциялар кезінде таза әрі анық дыбыс береді. Музыка тыңдау кезінде наушник пайдаланған жөн, себебі дыбыстың бағыттылығы бұдан да жақсы сақталады.
Қауіпсіздік пен эргономика мәселесіне де назар аударылған. Камера корпустың ішіне жасырылған — бұл жеке мәліметтердің қорғалуына кепілдік береді. Қажет болғанда оны бір қозғалыспен шығарып алуға болады. Құрылғының сыртқы пішіні де ресми ортаға лайық: қара түсті, ықшам әрі жинақы. Салмағы небәрі тоғыз келі шамасында болғандықтан, оны кеңсе ішінде оңай ауыстыруға болады.
Дегенмен, кемшіліктері де жоқ емес. Мысалы, құрылғының бастапқы конфигурациясы икемсіздеу: қуаты жоғары үлгі қажет болса, оны бөлек тапсырыс беру керек. Сонымен қатар, кейбір жиынтықтарда қазақша пернетақта болмай шығуы мүмкін, бірақ ресми өкілдер мұндай опцияның бар екенін айтады.
Қорытындылай келгенде, ASUS ExpertCenter P400 AiO (P470VA) – тиімді жұмыс істеуге арналған сенімді құрал. Оның жасанды интеллектке негізделген жүйелері күнделікті жұмыс процесін оңтайландырып, қашықтан қатысатын кездесулерді анағұрлым сапалы етеді. Мұндай технологиялар заманауи кеңсе мәдениетінің ажырамас бөлігіне айналып келеді, ал ASUS бұл бағытта алдыңғы қатарда тұрған компаниялардың бірі екені анық.
