Назарбаев Университетінде Қазақстандағы жоғары оқу орындарының тіркеу кеңсесінің VIII кездесуі өтті. Іс-шараға Ғылым және жоғары білім министрлігінің өкілдері мен еліміздің жетекші жоғары оқу орындарының басшылары қатысты. Кездесуде білім беру деректерін басқаруды модернизациялау мен цифрландыру мәселелеріне ерекше назар аударылды.
Сонымен қатар,кездесуде Ғылым және жоғары білім министрлігінің Цифрландыру және мемлекеттік қызметтер департаменті ұйымдастырған панельдік сессия өтті. Сессияда баяндама жасаған департамент директоры Нұрсұлтан Махатов Білім беру деректерін жинау, өңдеу және талдау құралы ретінде «Біртұтас жоғары білім платформасы» ақпараттық жүйесі» тақырыбын ұсынды.
Нұрсұлтан Махатов ИС ЕПВО жоғары оқу орындарын басқарудың тиімділігі мен ашықтығын арттыру үшін маңызды механизм екенін атап өтті. Оның айтуынша, платформа университеттер мен министрлік арасындағы деректер алмасу процестерін жеңілдетуде және мемлекеттік деректер базаларымен интеграциялау арқылы аналитикалық мүмкіндіктерді кеңейтуде елеулі жетістіктер көрсетуде. Алдағы жылдары жүйені әрі қарай дамыту жоспарлануда, оның ішінде үлкен деректер мен жасанды интеллект технологияларын енгізу арқылы талдау сапасын және шешім қабылдау процесін жақсарту көзделуде.
Жыл сайынғы тіркеу кеңсесінің кездесуі жоғары білім беруді дамыту стратегияларын талқылау, тәжірибе алмасу және өзекті мәселелерді қарастыру үшін маңызды алаң ретінде қарастырылады.
