SpaceX компаниясы Starlink Mobile спутниктік байланыс желісін кеңейту үшін Tristar компаниясының жиілік ауқымын пайдалануға арналған тағы үш лицензияны сатып алуға АҚШ-тың Федералдық байланыс комиссиясынан (FCC) рұқсат алды.
Лицензиялар 1695–1710 МГц жиілік аралығындағы 15 МГц спектрді қамтиды. Сонымен қатар Федералдық байланыс комиссиясы SpaceX компаниясына дәстүрлі ұялы байланыс мұнараларын салудың орнына спутниктік байланыс үшін осы жиілік ауқымын пайдалануға рұқсат берді.
Бұл рұқсат SpaceX компаниясы ғимарат ішіндегі байланыс сапасын жақсарту мақсатында 800 МГц төмен жиілікті спектрді бүкіл ел аумағында пайдалану туралы келісімге келгенін жариялағаннан кейін екі апта өтпей берілді. Компания спутниктер тобын жерүсті байланыс инфрақұрылымымен біріктіру жоспарын да таныстырған болатын.
Starlink Mobile спутниктік және жерүсті жиілік ауқымдарын қатар пайдаланатын алғашқы байланыс операторы болмақ. Компанияның мақсаты – АҚШ тұрғындарын ғимарат ішінде де, ашық кеңістікте де, ұялы байланыс қамту аймағынан тыс жерлерде де және олардың арасындағы кез келген аумақта да тұрақты байланыспен қамтамасыз ететін бірыңғай желі құру.
Дереккөз: IXBT
Қосымша материалдар мен сараптамалық шолуларды біздің Telegram арнамыздан оқуға болады.
