Жапония Қытай автокөліктерінің нарығына қарсы белсенді шаралар қабылдауда. Олардың бірі — Тюбу өңірінде Қытай электромобильдерінің көрмесі.Бұл жайлы asia.nikkei.com. хабарлайды
Көрмені Sanyo Trading компаниясы ұйымдастырды. Жапон бөлшек өндірушілеріне қазіргі жағдайды көрсету үшін арнайы ұйымдастырылған.
Қытай автокөліктерінің арзан болуының себебі — олардың құрамында өте аз бөлшектер қолданылған.
«Қытай өндірушілері шығындарды барынша азайтуға назар аударады. Олар сапаны жапон өндірушілерімен салыстырғанда басқаша бағалайды», — дейді Sanyo Trading өкілдері.
Nissin Precision Machines компаниясының менеджері таңғалғанын айтты. Ол Жапония электромобильдер секторында тек өзінің тәжірибесіне сүйенетінін атап өтті.
«BYD және Tesla автокөліктерінде қаншалықты аз бөлшек бар екені мені таң қалдырды. Біз электромобильдер бөлімінде алға жылжу үшін өз тәжірибемізді пайдаланғымыз келеді», — деді менеджер.
Көрме үнемі жаңартылып отырады, қазанның соңына дейін Li Auto L9 мен Hyundai Ioniq 6 сияқты төрт жаңа модель қосылуы күтілуде. Қазіргі таңда 90 мыңнан астам бөлшектен тұратын 16 электромобиль моделі ұсынылған. Сонымен қатар, көрмеде бөлшектелген Tesla Model Y да бар.
