Жамбыл облысының коммуналдық қызметтері 2028 жылға дейін техникалық желілерді басқаруды толықтай жасанды интеллект жүйелеріне көшіруді жоспарлап отыр. Осылайша инженерлік коммуникациялардың 80 пайызы цифрлық бақылауға өтеді деп күтілуде.
Коммуналдық қызметтердің негізгі міндеті – апаттар мен техникалық ақауларды алдын ала анықтап, олардың алдын алу.
Аймақтың цифрлық трансформация жобасы біртұтас тұрғын үй-коммуналдық шаруашылықты басқару орталығын құруды жоспарлап отыр. Бұл орталық кәсіпорындар, диспетчерлік қызметтер және тұрғындардың өтініштерін қабылдайтын цифрлық платформалардан ақпарат жинайды. Мұндай жүйе инфрақұрылымды тиімді басқаруға және төтенше жағдайларға жедел әрекет етуге мүмкіндік береді.
Өтпелі кезеңмен жүзеге асырылатын жобада 2026 жылы автоматтандырылған жүйелер нысандардың шамамен 60 пайызын қамтитын болса, 2028 жылы бұл көрсеткіш толық 100 пайызға жетеді. Жүйелердің негізінде SCADA және EMS технологиялары қолданылады. SCADA су қысымы, жылу тасымалдағыштарының температурасы, электр желілеріндегі жүктеме, насос пен қазандық жұмысы сияқты деректерді жинап, бақылайды. Кез келген ақау туындаған сәтте жүйе диспетчерге бірден сигнал береді. EMS энергия шығынын талдауға, жоғалтуларды азайтуға және жабдықтардың жұмысын оңтайландыруға мүмкіндік береді, осылайша жалпы энергия тиімділігін арттырады.
Жобада арнайы назар болжаушы жасанды интеллект талдауларына аударылған. Бұл жүйе апаттық жағдайларды алдын ала болжап, коммуналдық желілердің жағдайын зерттейді. 2026 жылы ЖИ бақылауы қалалық коммуникациялардың 40 пайызын қамтитын болса, 2028 жылы бұл көрсеткіш 80 пайызға жетеді.
Тұрғындардың шағымдарын өңдеу де цифрлық форматқа көшіріледі: апатты қызметке арналған өтініштер арнайы ЖИ-боттар арқылы қаралады. Мұндай тәсіл реакция уақытын қысқартып, қызмет көрсету сапасын арттырып, ақпараттық ашықтықты қамтамасыз етеді.
Сонымен қатар, жер асты мен жер үсті коммуникацияларын кең көлемде инвентаризациялау қарастырылып отыр. Бұл деректер болашақтағы қалалық құрылыс үшін цифрлық модельдің негізін құрайды. Осындай жүйенің арқасында коммуналдық қызметтер дерлік робот секілді жұмыс істеп, тәртіпті бақылайды және проблемаларды тұрғындарға көрінбей тұрып алдын алады.
Дереккөз: kp.kz
