Шанхай автокөрмесінде Geely Galaxy Cruiser жаңа жол талғамайтын көлігі таныстырылды. Бұл көлік Geely маркасының жаңа GEA Evo модульді платформасы негізінде жасалған.
Galaxy Cruiser заманауи технологиялармен жабдықталған, оның ішінде жасанды интеллект арқылы жұмыс істейтін арнайы бейімделгіш аспа жүйесі бар. Бұл жүйе көліктің жол жағдайларына лезде бейімделуін қамтамасыз етеді. Жауап беру уақыты небәрі 4 миллисекунд, яғни жасанды интеллект көліктің жылдам әрі тиімді әрекет етуін қамтамасыз етеді.
Сонымен қатар, Galaxy Cruiser су айдындарынан өтуге де қабілетті, 8,5 км/сағат жылдамдықпен жүзе алады. Көлік G-AES ақылды жүйесімен жабдықталған, бұл жүйе көліктің жолдағы кедергілерді автоматты түрде айналып өтуіне мүмкіндік береді.
