Қытайда жердегі таратқыштан ұшып жүрген дронға микротолқындық сәуле арқылы сымсыз энергия беру жүйесінің сынақтары сәтті аяқталды.
Жүйенің негізгі өзегі — мобильді жерүсті сәуле таратқыш. Сол арқылы энергия үздіксіз түрде дронның антенналық массивіне жеткізіліп отырады. Соның нәтижесінде зерттеу тобы дрон мен жерүсті таратқыш бір мезетте қозғалып тұрса да, энергияны тұрақты әрі үзіліссіз жеткізуді қамтамасыз ете алған.
Бұл тұжырымдама белгілі бір қырынан «құрлықтағы әуе кемесі» моделін еске салады. Мұнда жердегі таратқыш әуе кемесі секілді рөл атқарып, дрондардың әуедегі жұмысын қолдап отырады. Яғни, ол палубалық авиацияны тасымалдаушы авианосецтің функциясына ұқсас қызмет атқарады.
Жобаның жетекшісі Сун Ливэйдің айтуынша, микротолқындық сәуленің дронмен дәл түйісуін қамтамасыз ету үшін команда GPS-позициялау жүйесін борттық басқару жүйелерімен біріктірген. Бұл тәсіл сәуле бағытын үздіксіз түзетіп отыруға мүмкіндік беріп, қоршаған орта өзгерістеріне қарамастан энергияның тұрақты берілуін қамтамасыз еткен.
Дереккөз: South China Morning Post
Қосымша материалдар мен сараптамалық мақалаларды біздің Telegram арнамыздан оқуға болады.
