Қайырлы күн, құрметті оқырман! Біздің шолуымыз мобильді электроникаға қызығатындарға арналған. Жыл басы тек қыстың ортасы мен көктемнің жылуын күтумен шектелмейді, сонымен қатар жаңа смартфон модельдерінің таныстырылымы үшін тамаша уақыт .
Осыған орай, Samsung Galaxy S25 флагмандық топтамасының нарыққа шығуы электроника әуесқойлары үшін ерекше жаңалық болды.
Біз бүгін Samsung Galaxy S25 Ultra моделін сынап көрмекпіз — бұл смартфон өзіне тән жаңа мүмкіндіктерімен сізді таңғалдыратыны анық. Тіпті тауға шығып, смартфонның қиын жағдайларда қалай жұмыс істейтінін тексердік. Бірақ, алдымен, оған жақынырақ көз жүгіртейік.
Дизайн мен эргономика
Samsung-тың классикалық стилінде жасалған смартфонның пішіні жұмсақ, бұрыштары сәл дөңгеленген. Корпус жақтауы титанды қорытпадан жасалған.
Өткен жылғы Samsung Galaxy S24 Ultra-мен салыстырғанда, жаңа модель 14 граммға жеңілдеп, тіпті жұқарып кеткен: өлшемі 162,8 × 77,6 × 8,2 мм, салмағы 218 г.
Samsung Galaxy S25 Ultra-ның ерекшелігі – жаңартылған дизайн. Смартфонның алдыңғы және артқы панельдері Gorilla Glass Armor 2 әйнегімен қорғалған. Бұл әйнек алдыңғы буындардан әлдеқайда мықтырақ. Бірақ аязға түсірмей-ақ, өндірушілердің сөзіне сенейік.
Артқы панельі күңгірт әйнектен жасалған, ол тек әдемі ғана емес, қолмен ұстауға да ыңғайлы. Сонымен қатар, қолдың ізі де байқала қоймайды, бұл құрылғының таза әрі ұқыпты көрінуін қамтамасыз етеді.
Galaxy S25 Ultra түрлі-түсті шешімдерімен көз тартады. Классикалық түстермен қатар, жаңа және ерекше түстер де бар. Сіз жақұт тас іспетті көк, мұзды көк, жалбыз түсті көк түстерінің арасынан таңдау жасай аласыз. Сонымен қатар, роза жібегі мен қара графит түстері “Samsung” интернет-дүкенінде қолжетімді.
Samsung Galaxy S25 Ultra смартфонының артқы панеліндегі камера блогы ерекше дизайнымен ерекшеленеді. Камераның объективі панельден сәл көтеріліп тұр, бұл кейбір қолданушыларға ұнамауы мүмкін, алайда бұл ерекшелік құрылғыға өзіндік сипат береді.
Титан жақтаудың төменгі бөлігінде орналасқан функционалдық элементтер де өзгеріссіз қалған. Дыбыстық құрылғының орналасуы мен дизайны алдыңғы модельмен бірдей, бұл пайдаланушыларға таныс әрі ыңғайлы.
Samsung Galaxy S25 Ultra моделінде S Pen – жазу құралы сақталған.Бұл құрал, әсіресе Samsung Galaxy S24 Ultra сияқты алдыңғы модельдерде кездесетін ерекшеліктерімен, бәсекелес смартфондардан айрықша болуына мүмкіндік береді.
Стилус тек сурет салу немесе жазба қалдыру үшін ғана емес, түрлі жағдайларда да пайдалы. Мысалы, суықта немесе тауда қолғап киіп жүріп, оны ыңғайлы түрде қолдануға болады.
Тағы бір пайдалы мүмкіндік – сурет салуды білмейтіндер үшін эскиздерден бейнелер жасау. Мысалы, егер сіз мысық немесе гүл салуда қиындыққа тап болсаңыз, технология бұл мәселеңізді оңай шешіп береді.
Алайда, телефонның кейбір кемшіліктері де бар. Samsung Galaxy S25 Ultra-ның S Pen стилусы Bluetooth арқылы қосыла алмайды және аккумуляторсыз жұмыс істейді. Бұл оның бұрынғыдай қашықтан басқару функциясын жоғалтқанын білдіреді, мысалы, фотосуреттерді қашықтан түсіру мүмкіндігі енді жоқ. Сонымен қатар, S Pen стилустарын Samsung Galaxy S23 немесе S24 Ultra моделдеріне пайдалану мүмкін емес, өйткені олардың өлшемдері сәйкес келмейді.
Samsung Galaxy S25 Ultra су мен шаңнан қорғау бойынша IP68 стандартына сай келеді, яғни оны 1,5 метр тереңдікке дейін суға түсіруге болады. Бірақ бұл тек зертханалық сынақтарға негізделген мәліметтер, сондықтан смартфонды жиі суға түсірмеу ұсынылады. Дегенмен, ол шаң мен су шашырандысынан, тіпті шай немесе кофе сияқты сұйықтықтардан да қорғалған.
Тіпті қарлы тауда да бұл құрылғының жұмыс істейтіні тексерілген.
Айтпақшы, ультрадыбыстық сканер жылдам жұмыс істейді және саусақтың ылғалдығы саусақтарға еш әсер етпейді.
Дисплей, дыбыс және камералар
Samsung Galaxy S25 Ultra үлкен экранды ұнататындар үшін тамаша таңдау. Экранның өлшемі – 6,9 дюйм, ал антирефлекс жабыны тек Samsung-де кездесетін ерекшелік. Сонымен қатар, жақтаулары тіпті жұқарып, бар-жоғы 1,32 мм болған.
Менің ойымша, бұл құрылғымен әртүрлі жағдайларда жұмыс істеуге өте ыңғайлы. Қандай контент болса да, түстер жарқын болып сақталады әрі табиғи көрінеді. Көрініс бұрыштары да өте кең. Экранның шешімі QHD+ (3120 × 1440) және жаңарту жиілігі 120 Гц.
Экранның шыңды жарықтығы 2600 Нит, бұл күннің белсенді сәулесі түсіп тұрған жағдайларда, мысалы, тауда, құрылғыны пайдалануға аса ыңғайлы.
Dolby Atmos технологиясымен жабдықталған стерео жүйесі таза әрі кең көлемде дыбыс шығарады.
Камера + Жасанды интеллект
Ал енді артқы камералар туралы сөз қозғасақ.Негізгі камера – 200 мегапиксельді f/1.7 диафрагмасы бар камера. Сонымен қатар, 50 мегапиксельді кең бұрышты объектив, тағы да 50 мегапиксельді телеобъектив және 10 мегапиксельді тағы бір объектив бар.
Ультракең бұрышты камерада макрофокус шамамен 11 см қашықтықта қосылады.
Алдыңғы камераның шешімі 12 мегапиксель, бұл өз кезегінде суреттердің өте анық әрі сапалы шығуына мүмкіндік береді. Бұл ерекшелік кейбір қолданушыларға ұнамауы мүмкін, бірақ түрлі «фильтрлер» арқылы оны реттеуге болады.
Бір қарағанда – жай ғана жақсы камералар жинағы сияқты көрінеді. Бірақ оларды пайдалана бастағанда, жасанды интеллект мүмкіндіктерінің қаншалықты алға жылжығанын түсінесіз.
Қарапайым 3x немесе 5x зум портреттік және әдеттегі түсірілім үшін өте жақсы.
Ал жасанды интеллект көмегімен ол бірден 10x-қа, тіпті 100x-қа дейін үлкейеді.
Айды суретке түсіргім келген, бірақ өкінішке қарай, ауа райы қолайсыз болып, аспанды бұлттар жауып тұрды. Дегенмен, сирек кездесетін табиғи құбылыс – галоны түсіріп үлгердім.
Шымбұлақтан Көктөбе қаласындағы телемұнараны да түсіріп алдым. Алдымен, алыстан түсіруге тырысқан сәтте, түтіннен оны көру қиын болды. 20 есе, 30 есе, әрі қарай 100 есе жақындатқаннан кейін ғана көрініс анықталды.
Сапаның сәл төмендегені байқалады, әсіресе үлкен экранда. Алайда, 100 есе үлкейту әлі де таңқаларлық әсер қалдырады.
Камераны пайдалану шын мәнінде ерекше рахат береді. Қозғалыстағы объектілерді түсіру өте жақсы нәтиже көрсетеді.
Әсіресе, тамақ түсіруге арналған арнаулы бағдарлама бар екендігін атап өту керек.
Түнде түсіру мүмкіндіктері де ерекше. Жарық жетіспеген жағдайда да нәтиже керемет болды.
Жақсы нәтиже алу үшін біраз күш салып, суреттің шынайы көрінісін көрсетуге тырыстым және оны түпнұсқалық фотосуретпен салыстырдым. Тіпті күндізгі режимде түсірілген суреттер де түсі айқын, жарқын болып шықты. Ал түнгі түсірілім кезінде суреттердің сапасы өте жоғарғы деңгейде болды.
Samsung Galaxy S25 Ultra камерасын сынға алу қиын. Басқа бір мобильді телефонның камерасымен жарық деңгейін сәйкестендіру үшін камера көрсеткіштерін өзгертуге тура келді.
Қорытындылай келе, Samsung Galaxy S25 Ultra камерасы фото және бейнежазбалар түсіруді ұнататындар үшін кез келген тапсырманы жоғары деңгейде орындауға қабілетті.
Техникалық сипаттамалар, өнімділік және автономия
Бірінші кезекте аккумуляторды қарастырайық. Samsung Galaxy S25 Ultra моделінің аккумулятор сыйымдылығы 5000 мАсағ құрайды. Бұл ұзақ жолға шыққанда немесе құрылғыны жоғары қарқынмен қолданғанда өте қолайлы.
Қыста, тауда да, ол кешке дейін жететін қуатпен қамтамасыз етті. Ал төменгі температурада аккумулятор әдеттегіден жылдам таусылады.
Құрылғыны үнемді пайдаланған жағдайда батареяның қуаты екі күнге дейін немесе одан да ұзақ уақытқа жетеді.
Құрылғының қуатын қалпына келтіру үшін жылдам сыммен қуаттау немесе сымсыз қуаттау әдісін таңдауға болады. 45 Вт сыммен жылдам қуаттау арқылы аккумулятор бір сағат 23 минут ішінде қуатталады.
Өнімділік
Телефон “Snapdragon 8 Elite For Galaxy” атты қазіргі уақыттағы ең қуатты процессормен жабдықталған. Бұл процессор 3-нм технологиялық процеспен өндіріліп, тек Galaxy құрылғылары үшін арнайы 4,47 ГГц дейін жылдамдатылған. Нәтижесінде, деректерді өңдеу жылдамдығы айтарлықтай артып, графикалық өңдеу 30%-ға жылдамырақ болды. Сонымен қатар, нейрондық процессордың (NPU) мүмкіндіктері 40%-ға кеңейтілген, бұл смартфонның жоғары өнімділігін және тұрақты жұмысын қамтамасыз етеді.
Бұл өнімділік құрылғының қызып кету мәселесін туындатуы мүмкін. Дегенмен, өндіруші компанияның мәліметінше, смартфонның салқындату жүйесі арнайы түрде жетілдірілген. Булану камерасы 40%-ға кеңейтіліп, жылу өткізгіш қабаты жақсартылған. Осы жаңартулардың нәтижесінде құрылғы жұмыс істеу кезінде,не болмаса жасанды интеллектіге байланысты тапсырмаларды орындаған кезде тиімді түрде салқындатылады. Мысалы, тестілеу барысында Samsung Galaxy S25 Ultra қатты қызып кетпей, қажетті ауа температурасын бірқалыпта ұстап тұрды.
Құрылғының жедел жады 12 ГБ көлемінде, ал сақтау орнының көлемін қолданушы қажеттіліктеріне қарай таңдай алады: 256 ГБ, 512 ГБ және 1 ТБ. 1 ТБ жад көлемі тек үй компьютерлерінде ғана қолжетімді болатын, ал қазіргі смартфондар осы көлемді пайдалану мүмкіндігіне ие.
Samsung Galaxy S25 Ultra аппараттық платформасы
Samsung Galaxy S25 Ultra Android 15 операциялық жүйесімен жұмыс істейді, One UI 7 интерфейсімен және Galaxy AI жасанды интеллектін пайдаланып, жаңа мүмкіндіктер ұсынады. Жаңа интерфейс дизайны өте сәнді, анимациялары жұмсақ әрі ыңғайлы.
Хабарландыру экраны өзгертілді, енді функцияларға жылдам қолжетімділік терезесі қосылған. Сондай-ақ, қосымша ірі қалталарды жасау мүмкіндігі бар, олар арқылы қосымшаларды тез іске қосуға болады. Басқару экраны бұрынғыдан да қолайлы: жоғары немесе төмен сырғыту арқылы барлық қосымшаларды қамтитын негізгі мәзірге қол жеткізуге болады.
Samsung Galaxy S25 Ultra телефонын өнімділігі бойынша тексеру
Samsung Galaxy S25 Ultra смартфоны AnTuTu өнімділік тестінен 3 миллионнан астам ұпай жинады.
Samsung Galaxy S25 Ultra және жасанды интеллект мүмкіндіктері
Samsung Galaxy S25 Ultra смартфоны өзінің жасанды интеллект функцияларының арқасында ерекше мүмкіндіктерге ие. Galaxy AI арқылы бірнеше қосымшаны бір уақытта іске қосып, жұмыс істеуге болады.
Синхронды аударма (Live Translate). AI-аудармашысы көмегімен енді мәтіндерді ғана емес, сонымен қатар дәл сөйлесу барысында аударма жасауға болады. Бұл функция 30 танымал тілде жұмыс істейді.
Менің күнім (Now brief). Бұл функция сіздің күн тәртібіңізді ұйымдастыруға көмектеседі, экраныңызда арнайы ұсыныстар көрсетіледі.
Сурет бойынша іздеу (Circle to search). Мультимедиялық іздеу функциясы мәтіндер мен құжаттарды, музыка мен бейнежазбаларды жылдам табуға мүмкіндік береді.
Фото мен бейнежазбаларды өңдеуде жасанды интеллектіні қолдану шығармашылыққа зор мүмкіндік береді. AI көмегімен суреттегі заттарды оңай алып тастау немесе орнын ауыстыруға болады. Сондай-ақ, суреттерді немесе карикатураларды жасауға болады.
Оның көмегімен сурет немесе карикатура жасауға болады, яғни жай ғана суретті қызықты етіп өзгертуге мүмкіндік береді.
Бейнемазмұнымен жұмыс істегенде, дауысқа әсер етіп, қажетсіз шуылдарды, мысалы, жел немесе бөгде дыбыстарды өшіруге болады, сондай-ақ дауыстық сүйемелдеуді бәсеңдетіп немесе қаттырақ етіп жасауға болады. Сонымен қатар, жай ғана бар бейнежазбадан клип жасап, тақырып немесе күнді белгілеп, оны сұрау арқылы алуға болады.
Қорытынды
Samsung Galaxy S25 Ultra ең қуатты процессор мен тиімді салқындату жүйесін, фантастикалық жасанды интеллект мүмкіндіктерін ұсынады. Оның жаңа мүмкіндіктері заманауи технологияларды кеңінен қолданатындар үшін өте қызықты. Жоғары өнімділік пен салқындату жүйесі мобильді ойындарды жақсы көретіндер үшін өте пайдалы.
Samsung Galaxy S25 Ultra – бұл көп функциялы құрылғы. Ол бизнесмендер мен жасанды интеллектті күнделікті өмірінде кеңінен қолданатындар үшін өте ыңғайлы.
Бұл смартфон уақытын бағалайтын және өз ісін нақты жоспарлайтын адамдар үшін өте қолайлы. Сондай-ақ, оны фото мен бейнемазмұнды жақсы көретіндер де пайдалана алады.
Егер сіз жаңа деңгейдегі смартфон іздесеңіз, онда Samsung Galaxy S25 Ultra сіздің іздегеніңіз!
