Кембридж университетінің ғалымдары ауадағы көмірқышқыл газын күн сәулесімен экологиялық таза отынға айналдыратын жаңа реакторды ойлап тапты. Бұл жаңалық климат өзгерісіне қарсы күресуде және қазба отындарға тәуелділікті азайтуда айтарлықтай серпіліс әкелуі мүмкін.
Жаңа реактордың басты ерекшелігі – ол арнайы сүзгілердің көмегімен түнде ауадағы CO2 газын сіңіріп, күндіз күн сәулесінің көмегімен оны өңдейді. Сәуле түскен кезде инфрақызыл сәулені сіңіріп, жартылай өткізгіш ұнтақ ультракүлгін сәулені қабылдайды, бұл химиялық реакцияны іске қосып, CO2 газын пайдалы отынға айналдырады. Реактордың үстіндегі айна күн сәулесін шоғырландырып, тиімділігін арттырады.
Бұл технология бұрынғы көмірқышқыл газын жинау және сақтау әдістеріне қарағанда әлдеқайда тиімді әрі экологиялықьдағынан таза . Зерттеу жетекшісі, профессор Эрвин Райснер, CCS (көмірқышқыл газын жинау және сақтау) әдісінің энергия шығыны көп әрі қымбат екенін, оның үстіне қазба отындарын жағуды тоқтатуға кедергі келтіретінін атап өтті. Сонымен қатар, CCS әдісі айналымды емес, себебі CO2 газын тек жер астына сақтайды, бірақ одан ешқандай пайда алынбайды.
Зерттеу авторы доктор Саян Кар жаңа технологияның CO2-ден арылтып қана қоймай, оны пайдалы химиялық заттарға айналдыратынын айтты. Реактордан алынған синтез-газ көптеген химиялық өнімдер мен фармацевтикалық дәрілердің негізі.
Қазіргі уақытта ғалымдар синтез-газын сұйық отынға айналдыру әдістерін зерттеп жатыр. Бұл отын автокөліктер мен ұшақтарды қуаттандыру үшін қолданылып, атмосфераға қосымша CO2 шығармайды.
Жаңа технологияның болашағы зор, әсіресе оны орталықтандырылмаған түрде қолдану мүмкіндігі үлкен қызығушылық тудырып отыр. Бұл жеке адамдарға өз отынын өндіруге мүмкіндік беретіндіктен, шалғайдағы немесе автономды аймақтар үшін өте пайдалы болар еді.
Дереккөз: University of Cambridge
