Google компаниясы Nano Banana Pro атты жаңа платформасын таныстырды. “Gemini 3 Pro Image” деп те белгілі бұл жүйе бұрынғы нұсқаларға қарағанда айтарлықтай жетілдірілген. Дамытушылардың айтуынша, жаңа платформа пайдаланушылардың идеяларын студиялық деңгейдегі дизайнға айналдыра алады, мәтінді дәл әрі көркем бейнелейді, сонымен қатар әлемдік білім қорын кеңінен пайдалану мүмкіндігін береді.
Мәтінді өңдеу мүмкіндіктері елеулі жақсарған. Nano Banana Pro ақпаратқа бай инфографика мен диаграммаларды дайын суреттердің үстіне орналастыра алады, мәтін әрдайым оқуға ыңғайлы болады. Бұл постерлер, презентациялар немесе басқа визуалды контент жасау үшін өте қолайлы құрал. Жүйе бірнеше тілді де қолдайды.
Система бір композицияға бірнеше элементті біріктіре алады, бір уақытта 14 суретті пайдалану мүмкіндігі бар. Пайдаланушылар жасалған суреттің кез келген бөлігін өзгерте алады, камера бұрышын реттеуге, фокусты ауыстыруға, түстерді түзетуге және жарықты күндізгіден түнгіге өзгертуге болады.
Nano Banana Pro шығармашылық жобаларды жылдам әрі сапалы орындауға мүмкіндік береді және күрделі визуалды контентті дәл әрі көркем етіп жасауға арналған заманауи құрал болып отыр.
