Компьютер алдына жайғасып, жұмысқа кірісе бергенде, пернетақта мен тінтуір өздерін басты қожайын сезініп кеткендей бола ма?Бірде пернетақта әріптері басылмай, енді бірде тышқан курсорды дәлдеп басқармай, ең жауапты сәтте кібіртіктеп кетеді. Міне, осындай сәтте Glorious компаниясының механикалық пернетақтасы мен тінтуірлері көмекке келеді. Олардың өнімдері тек сапалылығымен ғана емес, сонымен қатар пайдалануға ыңғайлылығымен де ерекшеленеді.
Бүгін біз GMMK 2 пернетақтасы мен оның оның алғашқынұсқасы GMMK 2 Full Size, сондай-ақ Model O2 мен D2 Pro тінтуірлеріне шолу жасаймыз. Бұл құрылғылардың қандай ерекшеліктері бар және олар қолданушылардың өмірін қалай жеңілдетеді?
Glorious GMMK 2:
GMMK 2 пернетақтасын алғаш көргенде, оның ықшамдылығы мен әсерлілігін бірден байқайсыз. Бұл жай пернетақта емес, кәсіби виртуоздарға арналған маңызды құрал іспеттес. Оның техникалық сипаттамалары да осал емес.
Ауыстырғыш түрлері
GMMK 2 пернетақтасының басты ерекшелігі – ықшамдалған модульдік құрылымы. Әртүрлі ауыстырғыштарды қалауыңызға қарай орнатып, өзгерте аласыз. Бұл процесс жұмыс барысында оңай жүзеге асады, өйткені пернетақта «hot-swappable» технологиясын қолдайды.
Базалық нұсқада Glorious Fox сызықтық ауыстырғыштары орнатылған, бірақ өз талғамыңызға сай ауыстыру мүмкіндігі бар. Қалауыңызша сызықтық немесе шертпелі ауыстырғыштарды орнатып, пайдалана аласыз.
Материалдары мен корпусы
Корпус алюминий мен пластиктің үйлесімінен жасалған, бұл құрылғының ұзақ уақыт қызмет етуін қамтамасыз етеді. Пернетақта салмағы шамамен 750 грамм, бұл оған жеңілдік пен ыңғайлылық береді. Алюминий мен пластиктің үйлесімі құрылғының беріктілігігн арттырады, тіпті компьютеріңіз жаңарса да, пернетақта сол күйінде қызмет етеді.
Жарықтандыру
GMMK 2 пернетақтасы – жарықтандыру әлемінің нағыз өнер туындысы. Әрбір батырманың жеке-жеке жарықтануының арқасында 16,8 миллион түстің бірін таңдай аласыз. Таңертең жан дүниеңізді тыныштандыратын ақ түс қойып, кешке көңіл-күйіңізді көтеретін түрлі түсті жарықпен алмастыра аласыз.
Пернетақтаның түсін толығымен баптауға болады, әртүрлі түс комбинацияларын таңдап, оны қалауыңызша өзгертуге мүмкіндік береді. GMMK 2 – жарықтандырудың барлық аспектілерін басқаруға толық мүмкіндік беретін ең икемді пернетақталардың бірі.
Компьютерге қалай қосылады?
GMMK 2 пернетақтасы компьютермен USB-C арқылы қосылады .1,8 метрлік кабель кез келген жұмыс үстелі үшін жеткілікті ұзындыққа ие, сондықтан ыңғайлы пайдалану мүмкіндігін ұсынады.
Қолданудағы ыңғайлылығы
Бұл пернетақта – барлық мүмкіндіктерін толық пайдалануды ұнататындарға арналған таптырмас таңдау. Егер сіз үшін цифрлық пернелердің болуы маңызды болса, GMMK 2 Full Size ең сенімді серігіңізге айналады. Цифрлық батырмалар әрқашан қолыңызда, бұл әсіресе үлкен көлемдегі мәліметтермен жұмыс істейтіндерге немесе жиі сандар енгізетіндерге ыңғайлы. Ойыншылар үшін де өте тиімді: көлеміне қарамастан, пернетақта ыңғайлылығын сақтап, батырмалары жұмсақ әрі дәл басылады. Өлшемдері: 37,5 см х 12,5 см. Салмағы құрылғының мықтылығын сезіндіреді, бұл ұзақ қолдануға қолайлы етеді.
Артықшылықтары қандай?
Ең басты ерекшелігі – пернетақта батырмаларын ауыстыру мүмкіндігі. Қолданушы кез келген уақытта батырмаларды ауыстырып, пернетақтаның көрінісін де, пернетақтаны қолданудағы сезімін де жаңарта алады. Сонымен қатар, ықшам дизайны жұмыс үстелінде көп орын алмайды әрі заманауи стильді сақтауына ықпал етеді.
Жарықтандыру мүмкіндігі де назардан тыс қалмайды. 16,8 миллион түсті қамтитын RGB жарықтандыруы әртүрлі эффектілер арқылы өз қалауыңызға сай бейімделеді. Бұл әсіресе ойыншылар мен ерекше атмосфераны ұнататындар үшін тамаша шешім.
Кемшіліктері:
Әрине, цифрлық блоктың болмауы – кейбір мамандар үшін қиындық тудыруы мүмкін. Әсіресе, қаржылық есептермен жұмыс істейтіндер үшін бұл елеулі кедергі. Бағасына келсек, премиум санатындағы құрылғы болғандықтан, құны жоғары. Дегенмен, сапасы мен сенімділігін бағалайтындар үшін бұл баға өз-өзін ақтайтыны сөзсіз.
Енді GMMK 2 Full Size пернетақтасына назар аударайық. Бұл модель – батырмалардың көптігін бағалайтын пайдаланушылар үшін арнайы жасалған. Оның басты ұраны: “Көбірек батырмаларды беріңіз, мен сіз үшін бәрін орындаймын!”
Қосымша мүмкіндіктер мен ыңғайлылық
GMMK 2 Full Size пернетақтасы — толық өлшемді модель, яғни барлық қажетті пернелер мен цифрлық блокты қамтиды.GMMK 2 Full Size пернетақтасы ерекшеленетін басты қасиеттерінің бірі – hot-swappable ауыстырғышы. Бұл технология әр қолданушыға өзінің қажеттіліктеріне сай түрлі типтегі ауыстырғыштармен жұмыс істеуге мүмкіндік береді. Ал бастапқы жиынтықта орнатылған Glorious Fox ауыстырғыштары жоғары сапа мен сенімділікті қамтамасыз етеді.
Материалдары мен корпусы
Бұл құрылғының корпусын жасау үшін алюминий мен ABS пластик пайдаланылған, сондықтан пернетақта өте сенімді әрі ұзақ мерзімге қызмет етеді. Салмағы 1,25 кг болғанымен, ол үстел үстінде тұрақты тұрады және өзінің беріктігімен ерекшеленеді. Оған қоса, пернелер өте дәл басылады, бұл жұмысты жеңілдетіп, ұзақ уақыт қолдануда ыңғайлы етеді.
Жарықтандыру мүмкіндіктері
GMMK 2 Full Size пернетақтасының RGB жарықтандыруы – оның тағы бір ерекшелігі. Әр перне түрлі түсте жарқырай алады, ал жалпы жарықтандыру жүйесі 16,8 миллион түсті таңдауға мүмкіндік береді. Әркім өз көңіл күйіне немесе жұмыс ортасына сай жарықтандыру режимін таңдай алады. Бұл пернетақта тек функционалдылығы ғана емес, эстетикалық жағынан да тартымды болып табылады.
Цифрлық блок және қосымша мүмкіндіктер
GMMK 2 Full Size құрылғысы ,әсіресе, сандық блокты қажет ететін пайдаланушылар үшін өте ыңғайлы. Мәліметтерді жиі өңдейтіндерге немесе цифрлы пернелерді көп қолданатындарға бұл құрылғы үлкен көмекші бола алады. Оның үстіне, пернелер өте жұмсақ әрі дәл басылады, бұл ұзақ уақыт қолдануда да қолыңызды шаршатпайды.
Қолдану кезіндегі қолайлылық
Цифрлық батырмалар әрқашан қолыңызда, бұл әсіресе үлкен көлемдегі мәліметтермен жұмыс істейтіндерге немесе жиі сандар енгізетіндерге ыңғайлы. Ойыншылар үшін де өте тиімді: көлеміне қарамастан, пернетақта ыңғайлылығын сақтап, батырмалары жұмсақ әрі дәл басылады. Өлшемдері: 37,5 см х 12,5 см.
Бағдарламалық қамтамасыз ету
Пернетақтаның Glorious CORE бағдарламалық қамтамасыз етуі арқылы сіз барлық мүмкіндіктерін толық пайдалануға мүмкіндік аласыз. Бағдарлама Windows және macOS жүйелерінде жұмыс істейді және үнемі жаңартылып отырады. Бұл жүйе арқылы пернетақтаның әрбір мүмкіндігін баптап, оны өзіңізге ыңғайлы етіп жасай аласыз.
Макростар: Жұмысты жеңілдететін технология
GMMK 2 пернетақтасы макростарды баптауға мүмкіндік береді. Әр батырманы арнайы командалық орталыққа айналдыра аласыз. Бірнеше қадамды орындау үшін енді тек бір батырманы басу жеткілікті. Бағдарламаларды жылдам іске қосу, браузердегі қажетті беттерді ашу немесе мессенджерде автоматты жауап беру – бәрін өз қалауыңызша реттеуге болады. Ал ойын кезінде қаруды ауыстыру немесе күрделі командаларды орындау бұрын-соңды мұншалықты оңай болмаған.
Жауап беру жылдамдығы
GMMK 2 пернетақтасының жауап беру жылдамдығы өте жоғары. Әсіресе тінтуірдің жиілігін 8 000 Гц-ке дейін баптауға мүмкіндік бар. Бұл курсордың қозғалысы қол қимылын дәлме-дәл қайталайды деген сөз. Ойын барысында бұл сізге үлкен артықшылық береді: секундтың мыңнан бір бөлігіндегі кідіріс жеңістен айыруы мүмкін. Мұндай жоғары дәлдік тек ойыншылар үшін ғана емес, графикалық жұмыстармен айналысатындар үшін де аса маңызды.
Профильдер: Кез келген жағдайға бейімделу
GMMK 2 пернетақтасы әртүрлі жағдайға бейімделген бірнеше профиль жасауға мүмкіндік береді. Жұмыс күні үшін ұстамды жарықтандыруды, ал ойын кезінде жарқын түстерді таңдауға болады. Профильді ауыстыру үшін бір батырманы басу жеткілікті. Әр түрлі көңіл-күйге немесе жұмыс режиміне сәйкес баптауларды оңай қолдану мүмкіндігі қарастырылған.
Үздіксіз жаңартулар
Glorious CORE бағдарламасы үнемі жаңартылып, жаңа мүмкіндіктермен толықтырылып отырады. Бағдарлама Windows және M-сериялы чиптерге арналған macOS жүйесінде жұмыс істейді. Құрылғыңыз әрдайым жаңа талаптарға сай жұмыс істеп, заман талабына сай бейімделеді.
Model O2 және D2 Pro: Жылдамдық пен дәлдіктің жаңа үлгісі
Жаңа O2 тінтуірі технология әуесқойларын таңғалдырып отыр. Бар-жоғы 68 грамм салмағымен ерекшеленетін бұл құрылғы жылдамдық пен жеңілдіктің керемет үйлесімін көрсетеді. BAMF 2.0 сенсорының арқасында O2 тінтуірі пайдаланушының әр қимылын дәл меңгереді, тіпті ең күрделі снайперлік ойындар мен графикалық тапсырмаларды орындау барысында да керемет нәтижелерге қол жеткізуге мүмкіндік береді.
Сарапшылардың айтуынша, O2 тек ойыншылар үшін ғана емес, дәлдік пен ыңғайлылықты бағалайтын кәсіби мамандар үшін де таптырмас құрал. “Тінтуір өздігінен қайда басатыныңды сезетіндей әсер береді”, – дейді тексерушілер.
Бұл құрылғы ең жоғары жылдамдыққа бапталған. 650 IPS – бұл тек сан емес, ол курсордың экран бойынша жылдам қозғалу көрсеткіші. Ойлауға үлгермей жатып, курсор қажетті орынға жетіп үлгереді. Тағы бір ерекшелігі – 26 000 DPI. Мұның көп екенін айтсаңыз да, мұндай дәл баптаудан бас тарту қиын. Мысалы, сіз жылдам ойында ойыншыны дәл көздеп атқым келсе, Model O2 ешқандай кідіріссіз, тінтуір мен мидың біртұтас жұмыс істегеніндей, дәл әрекет етеді.
Енді D2 Pro туралы сөз қозғайық. Егер O2 жеңілдік пен жылдамдықты жақсы көретіндер үшін мінсіз құрылғы болса, D2 Pro – бұл жылдамдық пен жайлылықты қатар бағалайтындар үшін нағыз жоғары жылдамдықты құрылғы.
Model O2 құрылғысының салмағы бар болғаны 64 грамм, бірақ оны қолыңызда ұстаған кезде жеңілдікті сезінесіз. Дизайнының арқасында, сіз сағаттап жұмыс істесеңіз де, қолыңыз шаршамайды. Тінтуірдің 8 000 Гц жиілігі мен 26 000 DPI мүмкіндігі оны ерекше етеді. Бұл тек курсорды жылжытатын құрал емес, ол сіздің әрекетіңізден тез жауап береді. Ойындарда әр миллисекундтың маңызды екенін ескерсек, D2 Pro сіздің реакцияңыздан да жылдам жұмыс істейді. Ал оның 100 миллион рет шертуге арналған қосқыштары тінтуірдің ұзақ уақытқа қызмет етуіне кепілдік береді.
Оның жеңілдігі тек жайлы емес, ұзақ уақыт пайдалануға да қолайлы. Симметриялық пішіні оны әмбебап етеді, сондықтан оң және сол қолмен де пайдалану өте ыңғайлы. Сонымен қатар, Model O2 қосарланған қосылу мүмкіндігіне ие. Егер сымсыз байланыс қажет болса, 2.4 GHz арқылы қосыла аласыз, ал Bluetooth 5.2 арқылы толық еркіндікке қол жеткізе аласыз. Бұл екі режим – екі түрлі өмір сүру стилін ұсынады: бірінде ойындарда жылдам реакция қажет болса, екіншісінде сымсыз жұмыс жасау мүмкіндігі бар.
Оның пішіні қолыңызға дәл келеді, бұл сізге оны ұстап тұрғанды ұмыттырады. Тінтуірдің пішіні алақаныңызға сай келіп, ұзақ уақыт жұмыс істегенде немесе ойын ойнаған кезде ешқандай ыңғайсыздық туғызбайды. D2 Pro тек оң қолмен қолдануға арналған, сондықтан оң қол пайдаланушылары үшін мінсіз. Бұл тінтуір енді жай ғана құрал емес, қолыңыз үшін жұмсақ жастық сияқты, бірақ ол дәл әрі жылдам жұмыс істейді.
Артықшылықтары:
Model O2 – жеңілдік пен дәлдіктің жоғары деңгейі. Бұл тінтуірмен кідірістер мен қателіктер туралы ұмытуға болады. Сонымен қатар, қосарланған сымсыз қосылу еркіндік таңдау мүмкіндігін ұсынады.
D2 Pro – тінтіуірді оң қолмен басқаратын қолданушыларға арналған мінсіз эргономика. Оның 8 000 Гц жиілігі мен сымды және сымсыз режимдерде жұмыс істеу мүмкіндігі оны ойыншылар мен кәсіби мамандар үшін тамаша таңдау етеді.
Кемшіліктері:
Model O2 кейбір пайдаланушылар үшін тым жеңіл болуы мүмкін, әсіресе ауыр тінтуірлерге үйренгендер үшін. Мұндай жеңілдікпен қажетті басқару деңгейін сезіну қиын болуы мүмкін.
D2 Pro тек оң қолмен қолдануға арналған, сондықтан ол әмбебаптық жағынан шектеулі. Сол қол пайдаланушылары үшін бұл модель жарамсыз, бұл – оның айқын кемшілі.
Құрметті достар, міне, Glorious компаниясының пернетақталар мен тінтуірлер әлеміндегі саяхатымыздың соңына да жеттік. Glorious өнімдері сапа, сенімділік және ыңғайлылықты бағалайтындарға арналған. Олар ойын әлемінде де, жұмыс кезінде де жоғары нәтиже көрсетуге мүмкіндік береді.
