Қазақстан Республикасының Жасанды интеллект және цифрлық даму министрлігі елде технологиялық кәсіпкерлікті дамытуға қолайлы ұзақмерзімді жағдай қалыптастыру бағытында тиісті жұмыстарды бастады.
Аталған бастама елде болжамды әрі бәсекеге қабілетті бизнес-ортаны қалыптастыруға бағытталған. Бұл өз кезегінде Қазақстанның өңірлік деңгейдегі негізгі IT-хаб ретіндегі позициясын нығайтуға мүмкіндік береді. Саланы 2045 жылға дейін дамытуға арналған ұзақмерзімді көзқарас жасанды интеллект саласындағы жаһандық үрдістерді, экспорттық әлеуеттің ауқымын кеңейтуді және жоғары технологиялы инвестицияларды тарту қажеттілігін ескереді.
Қазіргі уақытта Қазақстан Республикасының Жасанды интеллект және цифрлық даму министрлігі сарапшылар қауымдастығы мен мүдделі мемлекеттік органдармен бірлесіп, қолданыстағы қолдау тетіктерін жүйелі түрде талдау және оларды жаңа жағдайларға бейімдеу жұмыстарын жүргізуде. Негізгі басымдық инновация жасаушылар үшін бірегей экожүйе қалыптастыруға, адами капиталды дамытуға және жасанды интеллект саласындағы озық шешімдерді енгізуге беріліп отыр.
Қосымша материалдар мен сараптамалық мақалаларды біздің Telegram арнамыздан оқуға болады.
