Цифрлық даму, инновациялар және аэроғарыш өнеркәсібі министрлігі алаяқтық әрекеттермен күрес аясында бір адамға тіркелетін SIM-карталардың санын 10-ға дейін шектеуді ұсынды.
«Бұл ретте, егер SIM-карталардың қолданылу мақсатын байланыс операторы растаған жағдайда, олардың санын арттыруға рұқсат беріледі. Құқық қорғау органдарының ұсынысымен жұмыс тобы SIM-карталарды тіркеу тәсілдерін кеңейту мүмкіндігін қарастыруда», — деп хабарлады министрлік өкілдері. Сонымен қатар, заң жобасында GSM-шлюздерін пайдаланып жасалатын алаяқтық әрекеттермен күрес жөніндегі шаралар да қамтылған. «Жеке тұлғалардың нөмірді басқа адамдарға беруіне тек қайта тіркеу процесі арқылы рұқсат етіледі», — деп атап өтті министрлік өкілдері.
