Қарағанды облысында туристік қызметтерді бір платформадан пайдалануға мүмкіндік беретін qazeli.kz қосымшасы жұмысын бастады. Енді қолданушылар қонақүйлер мен демалыс үйлерін таңдап, экскурсияларға тіркеліп, туристік агенттіктердің қызметін пайдалана алады. Қосымша арқылы маршрутты жылдам анықтап, тұру орнын немесе экскурсияны ұйымдастырып, көрікті жерлер туралы өзекті ақпарат алуға болады.
Жүйеде жасанды интеллект қолданылады. Ол 50-ден астам халықаралық туристік сайттардың деректерін талдап, отбасылық саяхаттарды оңтайландырады және балалар үшін тұру шығынын дәл есептеуге көмектеседі.
Қосымша арқылы Балқаш пен Қарқаралы аймақтарының ерекше маршруттары мен туристік кластерлері таныстырылатын болады. Пайдаланушыларға ыңғайлы болу үшін WhatsApp-та чат-бот жасалған. Ол тәулік бойы маршрут, тұру, тамақтану және қауіпсіздік ережелері туралы ақпарат береді.
qazeli.kz платформасы Қазақстандағы туристік цифрлық экожүйенің маңызды құрамдасына айналады.
