Қазақстан Республикасының қаржы нарығын реттеу және дамыту агенттігі (ҚРҚРДА) сіздің атыңыздан алаяқтар несие рәсімдеген жағдайда қандай қадамдар жасау керектігін түсіндіретін нұсқаулық әзірледі.
Егер сіз алаяқтардың құрбаны болсаңыз, мына әрекеттерді орындаңыз:
- Несиені берген қаржы ұйымының атауын анықтап, сол ұйымға жүгініңіз.
- Қаржы ұйымынан ішкі тергеу жүргізуді талап етіңіз.
- Несие шартының көшірмесін, қосымшаларын, жеке басыңызды куәландыратын құжаттарды және ақша аударылған шоттың реквизиттерін сұраңыз.
- Несие рәсімдеген қызметкердің мәліметтерін ұсыныңыз.
- Құқық қорғау органдарына арыздануыңыз қажет.
Ең бастысы!
Телефон арқылы сөйлескен кезде сақ болыңыз! Жеке кабинетіңізге қатысты логиндер мен құпиясөздерді ешкімге айтпаңыз, SMS-хабарламалардағы кодтарды ешкіммен бөліспеңіз, сондай-ақ, парақшаңызға тіркелген нөмірдің дұрыстығын тексеріп, күрделі құпиясөздер қолданыңыз.
