Қазақстандағы танымал ойын платформасы көп жылдан бері балалар үшін қауіпсіздік хаттамаларының жоқтығы үшін сынға ұшырап келеді. Яғни, балалар ойындарда, ашық контентте және дөрекі сөздермен жасалған материалдарда шектеусіз қатыса алатын еді, деп хабарлайды DigitalBusiness.kz TechCrunch дереккөзіне сілтеме жасап.
Енді 13 жасқа дейінгі балаларға мынадай әрекеттерге тыйым салынады: басқа ойыншылармен боғауыз немесе дөрекі сөздермен сөйлесу және ар-намысқа тиетін немесе оғаш бейнелер салу сияқты интерактивті элементтерді пайдалану.
Ойын әзірлеушілерінің 13 жасқа дейінгі балаларға арналған ойындары қолжетімді болуы үшін арнайы сауалнаманы толтыруы қажет. Бұдан бөлек, әзірлеушілер өз ойындарының «Барлық жасқа жарамды» немесе «9+» стандарттарына сәйкес болуын қамтамасыз етуі тиіс.
Ойындарда орташа деңгейдегі зорлық-зомбылық немесе дөрекі әзіл болуы мүмкін. Алайда, ересектерге арналған тақырыптар мен контент 13 жасқа толмаған балалар үшін қолжетімсіз болады.
Roblox компаниясы бұл талаптардың 2025 жылдың басынан бастап күшіне енетінін хабарлады. Әзірлеушілер сауалнаманы 3 желтоқсанға дейін толтыруы тиіс. Сауалнама Creator Hub бөлімінде, Creations тармағында қолжетімді.
