Биылдың өзінде Қазақстан алғаш рет метеорологиялық зымыранды сынақтан өткізуді жоспарлап отыр. Бұл туралы LS-ке Цифрлық даму министрлігі хабарлады.
Ведомствоның мәліметінше, қазір Ұлттық ғарыштық зерттеулер және технологиялар орталығы аппараттың тәжірибелік үлгісін әзірлеумен айналысуда. Ұшу сынақтары 2025 жылға белгіленген.
Министрлік бұған дейін метеорологиялық зымырандар қозғалтқыш жүйелері, навигация мен ұшуды басқару сияқты негізгі технологияларды сынауға мүмкіндік беретінін атап өткен. Сонымен қатар, олар Жер атмосферасын тұрақты әрі дәл бақылауды қамтамасыз етеді.
Мұндай аппарат климаттық өзгерістер мен табиғи апаттарды болжауға да көмектеседі. Бұл деректер қоршаған ортаға бейімделу стратегияларын әзірлеуде маңызды рөл атқарады.
Айта кетейік, осы уақытта «Байқоңыр» ғарыш айлағында ресейлік ғарыш зымырандарын құрастыру өндірісін көшіру мәселесі қарастырылып жатыр.
