Ойыншылар шағын жөндеу шеберханасын басқарып, сол кезеңге тән техникалық құрылғыларды қалпына келтірумен айналысады.
ReStory: Chill Electronics Repairs ойыны Steam платформасында сәтті таныстырылды. Таныстырылымнан кейін небәрі бір апта ішінде 100 мыңнан астам қолданушы оны қалаулылар тізіміне енгізген. Жоба бірден 2000-жылдардың орта тұсындағы Токионың ерекше атмосферасымен және өткен дәуірдің әсерін шебер жеткізетін ойын құрылымымен көпшіліктің назарын аударды.
Ойынның негізгі өзегі – электрониканы жөндеуге арналған жеке шеберхана. Қатысушылар 2000-жылдардың басында кең таралған құрылғыларды қалпына келтіреді. Олардың қатарында ұялы телефондар, ойын консольдері, қалтаға салып жүретін ойын құрылғылары, музыкалық ойнатқыштар, сандық фотоаппараттар және тұрмыстық техника бар. Жоба тек құрылғыларды жөндеу үдерісіне ғана емес, сол кезеңнің ерекше рухын шынайы бейнелеуге де басымдық береді. Бұл уақыт көптеген ойыншылардың жадында әлі күнге дейін жылы әсермен сақталған.
Әзірлеушілер құрылғыларды қалпына келтіру үдерісі егжей-тегжейлі көрсетілетінін мәлімдеді. Пайдаланушылар техниканы бөлшектеп, бекіткіштерін шешеді, ішкі бөлшектерін тазартады, электрондық тақшаларды дәнекерлейді, қаптамасын қайта бояп, құрылғыны қайта жинайды. Сонымен қатар шеберхана жұмысымен қатар, кіріктірілген ретро-браузер арқылы қажетті қосалқы бөлшектерді іздеп, қаржыны тиімді жоспарлап, жаңа тапсырыстар қабылдайды.
Жоба тек шеберхананы басқару мен техниканы жөндеумен шектелмейді. Әрбір тапсырыс берушінің өзіндік оқиғасы болады, ал ойыншы қабылдаған шешімдер кейіпкерлердің тағдырына және сюжеттің өрбуіне ықпал етеді. Мәселен, бөгде адамның телефонынан күмәнді деректер анықталған жағдайда бұл туралы полицияға хабарлау немесе адамның жеке мәселесін шешуге жәрдемдесу жөнінде таңдау жасауға тура келеді.
Шеберхананы дамыту үшін қаржылық ахуалды тұрақты бақылап, қажетті қосалқы бөлшектерді тауып, жаңа тапсырыстар қабылдау қажет. Сондай-ақ әзірлеушілер оқиғаның бірнеше бағытта өрбитінін және ойын барысының түрлі сценарий бойынша дамитынын уәде етеді.
ReStory: Chill Electronics Repairs ойынын 2026 жылы шығару жоспарланған. Алайда нақты жарыққа шығу күні әзірге жарияланған жоқ.
Қосымша материалдар мен сараптамалық шолуларды біздің Telegram арнамыздан оқуға болады.
