Жамбыл облысында ТОО «UNICROP» компаниясы агродрондарды жинақтау өндірісін іске қосты. Жаңа жоба Қазақстандағы инновациялық ауыл шаруашылығын дамытудағы маңызды қадам болып, агроөнеркәсіп кешенінде заманауи технологияларды енгізуге мүмкіндік береді. Өндіріс жылына 500–1000 агродрон жинауға есептелген, деп хабарлайды ҚР Ауыл шаруашылығы министрлігі.
Агродрондардың негізгі мақсаты — фермерлер мен ауыл шаруашылығы кәсіпорындарына егін шаруашылығын дәл және тиімді басқаруға мүмкіндік беретін заманауи шешімдер ұсыну. Бұл заманауи тәсілдерге тиімді егін бүрку, тыңайтқыштарды дәл енгізу және мультиспектрлік камералар арқылы өсімдіктердің жағдайын бақылауды қамтиды.
UNICROP агродрондарын пайдалану су, тыңайтқыш және жанармай шығынын үнемдеуге, егін өнімділігін арттыруға, механизация мен қол еңбегі шығындарын азайтуға, сондай-ақ топырақтың тығыздалуы мен өсімдіктердің зақымдануын болдырмауға мүмкіндік береді
Сонымен қатар, кәсіпорында агродрон операторларын оқыту ұйымдастырылған.
Компанияның жоспарына сәйкес, 2025 жылы 50–60 агродрон сатылса, 2026 жылы олардың саны кемінде 150 бірлікке жетеді. Сонымен қатар, Оңтүстік Қазақстандағы егіс алқаптарын өңдеу қызметтері айтарлықтай кеңейтілетін болады. Қазіргі уақытта Қызылорда және Қазіргі уақытта Қызылорда және Түркістан облыстарының жергілікті жеткізушілерімен келіссөздер жүргізілуде.
