Қытайдың киберқауіпсіздік ассоциациясы (CSAC) Intel компаниясын өз процессорларында АҚШ Ұлттық қауіпсіздік агенттігінің (NSA) талабымен бэкдорлардың орнатылғанын айтып,айыптады. (https://www.theregister.com/2024/10/16/china_intel_chip_security/)
Ассоциацияның пікірінше, Intel процессорларындағы ақаулар Қытайдың ұлттық қауіпсіздігіне, әсіресе ақпараттық инфрақұрылымға қауіп төндіреді. CSAC Қытайдың қауіпсіздік органдарын ұлттық мүдделер мен тұтынушылардың құқықтарын қорғау үшін Intel өнімдерін мұқият тексеруге шақырды.
Intel процессорларында 2008 жылдан бері Management Engine (ME) технологиясы бар (https://t.me/russian_osint). Бұл технология, Active Management Technology (AMT) деп аталады және әкімшілікке компьютерде қашықтан түрлі әрекеттерді орындауға мүмкіндік береді. Егер ME функциясы қосылып, интернетке қосылса, операциялық жүйенің болуына қармастан, компьютерге қашықтан қол жеткізу мүмкіндігін береді.
Аппараттық қауіпсіздік сарапшысы Дэмиен Заммит ME технологиясын «бэкдор» деп атайды. Бұл технология пайдаланушының білімі жоқ, жадқа толығымен қол жеткізуге, операциялық жүйенің брандмауэрін айналып өтуге және желілік деректерді жіберу мен қабылдауға мүмкіндік береді. Пайдаланушы Active Management Technology-ны өшіре алмайтыны да ескертілуде.
Сондай-ақ, қытай мамандары 2017 жылғы Positive Technologies компаниясының зерттеушілері Марк Ермолов пен Максим Горячийдің жұмысына сілтеме жасауда. Олар Intel-де жасырулы орнатылған “қосқышты” анықтаған. Kill Switch деп аталатын бұл функцияның АҚШ Ұлттық қауіпсіздік агенттігі тарапынан жасалғаны туралы мәліметтер бар.
Ресми құжаттарда Kill Switch туралы ештеңе айтылмаған. Деректердің болуы NSA-ның АҚШ-та ME-ді өшіре алатынын, ал басқа елдерде ME-дің жұмысын жалғастырып, сол арқылы басқа жүйелерді осал қалдыратынын көрсетеді.
CSAC-тың айыптаулары АҚШ пен Қытай арасындағы киберкеңістік аясындағы шиеленістердің күшеюі кезінде айтылуда. Қытай АҚШ-тың кибер шабуылдарға қатысты айыптарын жоққа шығарып, оларды жалған деп санайды. Олар америкалықтардың айыптауларды арнайы ойлап тапқанын және Қытайды қаралауға бағытталған жалған ақпарат таратып жатқанын мәлімдеуде.
Қазіргі таңда Intel-дің табысының маңызды бөлігі Қытайға тәуелді және тергеу нәтижесінде бэкдорлардың бар екені анықталсастаса, компанияға мансабында шиеліністер туындамақ.
Айыптаулар Intel-дің Қытай нарығындағы жағдайына тікелей соққы болып табылады. “Хуавэй” корпорациясының қуғындауы ешкімнің есінен шыққан жоқ.
