Бұл бойынша Great Wall Motor компаниясы қарқынды жұмыс істеуде.
Great Wall Motor-дың төрағасы Вэй Цзяньцзюнь Zijing M100 Қытайда RISC-V архитектурасына негізделген алғашқы автомобильдік чип екенін жариялады.
Тестілеу Zijing M100 атты чиптің пайдалануға жарамды екенін көрсетті. Ол қосымша тестілеуден өтіп, қажетті сертификаттарды алғаннан кейін жаппай өндіріске шығарылады.
Great Wall Motor-дың зияткерлік технологиялар жөніндегі вице-президенті У Хуэйсяо тестілеу, пластиналарды өндіру және орау жұмыстарын ел ішінде жүргізгенін айтты.
Бірінші Zijing M100 чиптері әртүрлі автокөлік модельдерін қамтитын X55 жарық бақылау платформасында орналастырылады. Келешекте чипті бес жыл ішінде кемінде 2,5 миллион автокөлікке орнату жоспарланған.
Zijing M100 чипі климаттық бақылау модульдерінде, жарықта, ауа компрессоры контроллерінде, сымсыз зарядтауда және проекциялық дисплейде пайдаланылуы жоспарланып отыр.
Zijing M200 электрондық тұрақтандыру жүйесі мен электрлі рульді күшейту үшін қолданылады. Ал Zijing M300 осы міндеттермен қатар, автоматты тежеу мен бейімделмелі суспензияны қамтамасыз етеді.
