Xiaomi компаниясы жаңа Xiaomi Smart Band 9 Pro мен Xiaomi Smart Band 9 Active смарт білезіктерін таныстырды. Бұл екі жаңа өнім өздеріне тән заманауи мүмкіндіктерімен түрлі пайдаланушылардың сұранысын қанағаттандыруға бағытталған. Компания спортпен айналысушылардан бастап, денсаулықтарын бақылап жүргендерге дейінгі барша қолданушыларға лайықты шешім ұсынады.
Xiaomi Smart Band 9 Pro білезігі спортшылар мен фитнес әуесқойларына арналған премиум деңгейдегі құрылғы болып есептеледі.
Оның 77%-дық экран мен корпус арақатынасы бар, 336×480 пиксельді AMOLED дисплейі жоғары сапалы визуалды әсер береді. Экранның жарықтық деңгейі 1200-ге дейін жетеді, сондықтан оны кез келген жарықта пайдалануға ыңғайлы. Қуатты 350 мАч батареясы 21 күнге дейін автономды жұмыс істеуге мүмкіндік береді. Бұл білезік белсенді өмір салтын ұстанатын адамдар үшін өте қолайлы.
Одан бөлек, Xiaomi Smart Band 9 Pro денсаулықты бақылаудың кеңейтілген функцияларымен жабдықталған. Білезік жүрек соғу жиілігін, қандағы оттегінің деңгейін, стрессті және ұйқы сапасын үнемі бақылап, нәтижелер бойынша жеке ұсыныстар береді. Оның ішінде 150-ден астам спорттық режим, VO₂ max, жаттығу жүктемесі мен қалпына келу уақытын анықтауға арналған алгоритмдер бар. Сонымен қатар, бұл білезік GNSS (глобалдық навигациялық жүйе) арқылы жаттығуларды дәл бақылай алады.
Xiaomi Smart Band 9 Active моделінің қуаты 18 күнге жетеді, бұл пайдаланушыларға ұзақ уақыт бойы қуаттау туралы алаңдамауға мүмкіндік береді. 300 мАч қуаты мен энергия үнемдеу технологиясы смарт құрылғының ұзақ уақыт бойы жұмыс істеуін қамтамасыз етеді. 1,47 дюймдік TFT дисплейі мен 60 Гц жаңарту жиілігі құрылғының жоғары сапалы әрі тегіс көрінісін ұсынады.
Бұл білезік денсаулықты бақылаудың маңызды көрсеткіштерін қадағалауға арналған. Жүрек соғу жиілігін, қандағы оттегі деңгейін және ұйқы сапасын бақылау мүмкіндігі бар. Ұйқы кезеңдерін бағалап, жақсарту үшін ұсыныстар береді. Сонымен қатар, 50-ден астам спорттық режим мен 5ATM суға төзімділік функциясы оны белсенді өмір салтын ұстанатын адамдар үшін мінсіз серік етеді. Білезіктің бірнеше түстері мен 100-ден астам таңдаулы циферблаттар бар.
Бағасы мен қолжетімділігі
Xiaomi Smart Band 9 Active бағасы 11 990 теңге, ал Xiaomi Smart Band 9 Pro 35 990 теңгеге сатылымға шықты.
Бұл смарт білезіктерді Xiaomi stores, mi.com.kz, Технодом, technodom.kz, Белый Ветер, Shop.kz, Mechta, mechta.kz, Alser сияқты ірі сауда алаңдарынан сатып алуға болады.
