Итальяндық әйгілі сән үйі Prada мен жеке аэроғарыш компаниясы Axiom Space арасында қандай байланыс болуы мүмкін? Бұл сұрақ қызықты жауапқа алып келеді.
Өткен жылдың қазан айынан бастап, олар NASA-ның Artemis III миссиясы үшін скафандрларды бірлесе әзірлеуде. Бұл жобаның нәтижесі Миланда өткен халықаралық конгресс барысында таныстырылды. Скафандр Axiom Extravehicular Mobility Unit (AxEMU) деп аталады.
Prada компаниясының мәлімдеуінше, жаңа скафандрдың конструкциясы астронавттарға ашық ғарышта сегіз сағатқа дейін шығуға және Айдың оңтүстік полюсінің маңында еркін қозғалуына мүмкіндік береді.
Дизайнерлердің пікірінше, Axiom Space, SpaceX және NASA-да Айдың жағдайларын қайталайтын сынақтардан өткен скафандр іс жүзінде дайын. Соңғы тексеру 2025 жылға жоспарланған. Еске сала кетейік, NASA-ның Artemis III миссиясы бастапқыда 2022 жылға жоспарланған болатын, бірақ кейінірек 2025 жылға, одан кейін 2026 жылдың қыркүйек айына ауыстырылды.
