Қазақстан Республикасының Ұлттық банкі банктер арасындағы мобильді төлемдер жүйесі (МСМП) үшін жаңа нормативтік-құқықтық актілерді бекітуді жоспарлап отыр. Жаңа құжат жүйенің функционалды құрылымын айқындап қана қоймай, қатысушы банктерге ақпарат алмасу, QR-код және қарапайым идентификаторлар арқылы (телефон нөмірі) ақша аударымдарын жүзеге асыру кезінде өзара әрекеттесу талаптарын белгілеуге мүмкіндік береді.
МСМП — бұл Ұлттық банк әзірлеген төлем жүйесі, ол нақты уақыт режимінде банктер арасындағы клиенттік аударымдар мен төлемдерді қарапайым реквизиттер арқылы жүзеге асыруға арналған. Кәсіпкерлік субъектілер үшін QR-код арқылы төлем қабылдауда бірнеше POS-терминалды орнатудың қажеттілігі жойылады. Сонымен қатар, тұтынушылар өздерінің банк қосымшасы арқылы басқа банктерге QR-платежтерді тиімді түрде жүзеге асыра алады.
Ұлттық банк өкілдерінің хабарлауынша, жүйені енгізу банктер арасындағы өзара әрекеттестіктің тиімділігін арттырады және қолма-қол ақшасыз төлемдер қызметтерінің қолжетімділігін кеңейтуге ықпал етеді.
Баспасөз қызметінің мәліметінше, мобильді төлемдер жүйесі 2025 жылғы маусым айынан бастап жұмыс істеп келеді. Бұған дейін жүйенің қызметі Ұлттық төлем корпорациясының ережелерімен реттелген болса, 2026 жылғы қаңтардан бастап МСМП-ға жаңа заңдық мәртебе берілді.
Ережелердің қабылдануы МСМП-ның құқықтық статусын нығайтады. Бұрын жүйе тек жеке банктердің қатысуымен сынақ кезеңінде жұмыс істеген болса, 2026 жылдан бастап Қазақстандағы барлық бөлшек банктер жүйеге қосылады. Бұл өзгеріс МСМП-ның клиенттер мен кәсіпкерлік субъектілер үшін ауқымды әрі толыққанды функционалдық қызмет көрсететін жүйеге айналуына мүмкіндік береді.
Айнаш Ондирис
Дереккөз: https://lsm.kz/banki-platezhej-v-2026-godu
