Құрметті отандастар! Баршаңызды еліміздің басты мерекелерінің бірі – Қазақстан Республикасының Конституциясы күнімен шын жүректен құттықтаймыз!
Ата Заң – Тәуелсіздігіміздің темірқазығы, мемлекеттігіміздің берік діңгегі. Ол әрбір азаматтың тең құқығын, еркіндігін айқындап қана қоймай, ұлт бірлігі мен елдің тұтастығын сақтаудың кепіліне айналды. Конституцияда бекітілген қағидаттар тәуелсіз Қазақстанның даму жолын айқындап, бейбіт өмір мен тұрақтылықтың, ынтымақ пен келісімнің берік арқауына айналды.
Бұл күн – баршамызға ортақ құндылықты еске салып, елдік мүдде жолында бірлігімізді бекемдеудің айшықты сәті. Өйткені Ата Заң – болашағымызға бағдар беретін шамшырақ, тәуелсіздікпен бірге туған асыл мұрамыз.
Осы мерейлі мерекеде әр отбасыға амандық пен береке, елге тыныштық пен игілік тілейміз. Отанымыздың мерейі үстем болып, Конституциямыз әрдайым мемлекетіміздің берік тұғыры болып қала берсін!
