Қазақстанда араб елдерінің Presight AI Ltd компаниясымен бірлесіп, суперкомпьютер құру жоспарланып отыр. «Акциялардың үлестерін бөлу мәселесі тараптар арасындағы ішкі келісім негізінде шешіледі», – деп хабарлады Цифрлық даму министрлігі.
Суперкомпьютер орналастырылатын мемлекеттік органдардың деректер өңдеу орталығы (ДО) Tier III* стандарты бойынша сертификатталған.
Суперкомпьютер Қазақстанның технологиялық дамуын жеделдететін маңызды элементке айналады деп күтілуде. Бұл елімізге жасанды интеллект модельдерін әзірлеу мен оқыту үшін заманауи есептеу қуаттарын қамтамасыз етеді. Нәтижелерді алу уақыты мен есептеу тапсырмаларының саны жақсарады.
Министрлік атап өткендей, экономикалық және инновациялық өсім, сондай-ақ цифрлық үдерістің дамуы күтілуде.
