Қазақстанда азаматтардың алдағы республикалық референдумда қай сайлау учаскесінде дауыс беретінін жедел анықтауға арналған жаңа онлайн сервис іске қосылды. Бұл қызмет 2026 жылғы 15 наурызға белгіленген республикалық референдумға қатысатын азаматтарға арналған.
Жаңа жүйе әр азаматтың жеке сәйкестендіру нөмірі арқылы оның қай сайлау учаскесінде дауыс беруге тіркелгенін анықтауға мүмкіндік береді. Қызмет нәтижесінде пайдаланушыға тиісті сайлау учаскесінің нөмірі мен нақты мекенжайы жөнінде толық мәлімет ұсынылады.
Аталған сервисті бірнеше ресми интернет платформа арқылы пайдалануға болады. Олардың қатарында электронды үкіметтің gov.kz порталы, сондай-ақ referendum2026.gov.kz және referendum.gov.kz арнайы ақпараттық сайттары бар. Осы ресурстардағы арнайы жолаққа жеке сәйкестендіру нөмірін енгізу жеткілікті. Жүйе бірден азаматтың қай сайлау учаскесінде дауыс беретінін көрсетеді.
Сонымен қатар бірқатар өңірде сайлаушыларға қолдау көрсету мақсатында қосымша ақпараттық құралдар ұйымдастырылған. Мәселен, Алматы мен Астана қалаларында бірыңғай call-орталықтар мен Telegram боттары жұмыс істейді. Бұл қызметтер арқылы тұрғындар өздерінің сайлау учаскесінің нөмірі мен мекенжайын нақтылап, сайлаушылар тізіміне енгізілгенін тексере алады. Қажет болған жағдайда дауыс беру рәсімі жөнінде кеңес алу мүмкіндігі де қарастырылған.
Жаңа Конституция жобасына қатысты республикалық референдум 2026 жылғы 15 наурызда өтеді. Ұйымдастырушылардың мәліметінше, ел бойынша он мыңнан астам сайлау учаскесі дайындалған.
Ислам Аскаров
365info.kz
