Қазақстан Республикасының Көлік министрлігі жолаушыларды және көлік инфрақұрылымы нысандарына келушілерді тексеру тәртібіне өзгерістер енгізуді жоспарлап отыр. Бұл туралы Zakon.kz ақпарат агенттігі хабарлады.
Жаңа ережелерге сәйкес, әуежайлар мен теміржолдардағы тексеру қызметкерлері қағаз құжаттарымен қатар, электронды құжаттарды да тексереді. Яғни, жолаушылар электронды құжатты да ұсына алады.
Бұл өзгеріс, бұған дейін талап етілген қағаз форматындағы анықтамалар мен құжаттарды цифрлық форматқа көшіру мақсатымен енгізілуде.
«Жаңа талаптарды қабылдыдау жолаушыларға көлік инфрақұрылымы нысандарына кірген кезде электронды құжатты ұсынуға мүмкіндік береді», — делінген министрліктің мәлімдемесінде.
Аталған құжат «Ашық НҚА» сайтында 11 қарашаға дейін қоғамдық талқылауға ұсынылды.
