Елімізде ядролық энергетиканы дамыту үшін арнайы агенттік құрылмақ. Бұл туралы LS басылымы хабарлады.
Мемлекет басшысы Қасым-Жомарт Тоқаевтың айтуынша, Қазақстан газ және көмір генерациясын тиімді пайдаланып, жаңартылатын энергия көздерін дамытуға басымдық беруі тиіс.
“Энергетика саласын жүйелі түрде дамыту маңызды. Біз тек қазіргі қажеттілікті өтеп қана қоймай, ұзақ мерзімді жоспармен жұмыс істеуіміз керек. Сол себепті ядролық энергетиканы дамытуға ерекше көңіл бөлінеді. Сондықтан арнайы агенттік құру жөнінде шешім қабылдадым”, – деді Қасым-Жомарт Тоқаев.
Президенттің айтуынша, Қазақстанда ядролық энергетиканы дамыту үшін үш атом электр станциясын салу жоспарланып отыр.
“Бұл – еліміздің тұрақты дамуы үшін стратегиялық қадам. Біз өзімізді электр қуатымен толық қамтамасыз етіп қана қоймай, оны сыртқа экспорттай алатын деңгейге жетуіміз керек”, – деді мемлекет басшысы.
Джамиля КАРИМОВА
