Қазақстан Республикасы тұрақты даму жолында маңызды қадам жасап, минералдық ресурстарды басқарудың Бірыңғай платформасын — minerals.e-qazyna.kz ресми түрде іске қосты. Бұл инновациялық цифрлық сервис мемлекеттік қызметтерді цифрландыру стратегиясының бір бөлігі ретінде Президенттің бастамасымен жүзеге асырылып, кен өндіру саласындағы ашықтықты, тиімділікті және инвестициялық тартымдылықты арттыруға бағытталған.
Еңбек лицензияларын алу, өтініштерді беру және геологиялық мәліметтерді талдау бұрын күрделі әрі ашық емес түрде жүргізіліп, парақорлық қаупін тудырған. Барлық құжаттар қолмен рәсімделіп, өтініштерді дайындау мен беру аптаға созылатын. Енді Бірыңғай платформа іске қосылғалы бұл үрдіс түбегейлі өзгерді.
«Бірыңғай платформа — жай IT өнім емес, ресурстарды цифрлық басқарудың толыққанды тетігі. Ол кен өндірудің өмірлік циклін қамтиды: өтініш қабылдау, лицензия беру, аукционға қатысу, міндеттемелерді бақылау, есеп тапсыру және геологиялық деректерді жүргізу. Платформа барлық процестерді жеделдетіп, оларды ашық әрі қолжетімді етеді»,- деп Қазақстанның өнеркәсіп және құрылыс вице-министрі Жаннат Дубирова өщ пікірін қосты.
Бірыңғай платформаның басты артықшылықтары:
Барлық қызметтер онлайн режимге көшті;
Қолданушылар өтініштердің мәртебесін нақты уақыт режимінде бақылай алады;
Адам факторы мен сыбайлас жемқорлық ықтималдығы төмендеді;
Геологиялық мәліметтерге ашық қолжетімділік қамтамасыз етілді;
Қазақстанның интерактивті картасы арқылы учаскелер мен инфрақұрылымның жағдайын көрнекі түрде талдауға мүмкіндік бар.
Платформа геологиялық нысандардың барлығын қамтып, кен пайдалануға арналған аукциондарға бір терезе арқылы қатысуға жағдай жасайды. Бұған қоса, «Кен және кен пайдалану» Кодексіне енгізілген заңнамалық жаңартулар құқықтық қолдауды күшейтеді.
Осылайша, Қазақстан минералдық ресурстарды басқарудағы цифрлық трансформациясын одан әрі тереңдетіп, ашықтық пен тиімділік деңгейін жаңа сатыға көтерді.
