Алматыда стартап және IT-экожүйесін дамыту жобасы аясында жыл басынан бері 2,5 млрд теңге инвестиция тартылып, 217 жаңа жұмыс орны құрылды. Бұл туралы Алматы қаласының цифрландыру басқармасы хабарлады.
Мегаполисте Almaty Cyber Games (ACG) жобасы жүзеге асырылуда, оның мақсаты Алматыны Орталық Азиядағы киберспорт және ойын индустриясының негізгі хабына айналдыру. Цифрландыру басқармасының мәліметінше, халықаралық деңгейдегі ірі спорттық іс-шараларды көрсететін Setanta телеарналасымен серіктестік туралы бірнеше келісімдер жасалған.
ACG Орталық Азияда телевизия арқылы көрсетілетін алғашқы мультидисциплинарлық киберспорттық оқиға болды, ол Қазақстан, Орталық Азия және бірқатар жақын шет елдерде көрсетілмек. Телевизиямен серіктестік нәтижесінде жобаның қамтуы 6 миллион адамға дейін артты, жобаның танымалдылығы мен мәртебесі халықаралық аренада көтерілді.
ACG жобасы Logitech әлемдік технологиялық компаниясын тартты және Алматы нарығына интеграциялау үшін Tencent Games-пен ынтымақтастық орнатты. Қаланың университеттері үшін ойын индустриясы мен киберспорт бойынша білім беру бағдарламалары әзірленді. Олар 70-ке жуық маманды даярлап, жұмысқа орналастыруды жоспарлауда.
MOST бизнес-инкубаторының бағдарламаларына 292 стартап қатысты.
Биылғы жылы Орталық Азиядағы ең сұранысқа ие IRA (Investment Readiness Accelerator) бағдарламасының үш ағынынан екеуі өткізілді. Бұл бағдарлама Алматы мен Орталық Азия елдеріндегі, атап айтқанда, Өзбекстан, Қырғызстан, Тәжікстан және Түркменстаннан келген стартаптарға арналған. Бағдарламада аталған елдерден 42 стартап қатысты.
