Қазақстан Республикасының Цифрлық даму, инновациялар және аэроғарыш өнеркәсіп министрлігі Agile әдіснамасын енгізу бойынша тексеріс жобасын жүзеге асыруды бастады. Бұл қадам мемлекеттік басқаруды жаңғыртуға және халықаралық тәжірибелерді пайдалана отырып, мемлекеттік жұмыс барысының тиімділігін арттыруға бағытталған.
Agile әдіснамасының басты мақсаты – министрліктің жұмыс тиімділігін арттыру. Жобаны басқарудың икемді әдіснамасын қолдану – жобаларды орындау уақытын қысқартуға, ұжымның өнімділігін арттыруға және азаматтар мен кәсіпкерлерге қызмет көрсету түрлерін жылдам енгізуге мүмкіндік береді. Әсіресе, тез өзгеріп жатқан цифрлық ортада сын-қатерлерге жылдам бейімделу қажеттілігін ескеру аса маңызды.
Жоба аясында ұжым жұмысының үйлесімділігін арттыру үшін бэклог жасау (backlog creation), спринтті жоспарлау (sprint planning), күнделікті кездесулер (daily scrum) секілді заманауи құралдар қолданылады. Бұл министрлік қызметкерлеріне қойылған мақсаттарға жылдам және тиімді қол жеткізуге мүмкіндік береді.
Жобаның артықшылығы:
- Икемділік пен жеделдік. Agile әдіснамасы министрлікке болып жатқан өзгерістерге жедел жауап беріп, ұсынылатын қызметтердің сапасын жақсартуға мүмкіндік береді.
Кеңейту мүмкіндігі. Жобаны сәтті іске асыру Agile тәсілінің басқа мемлекеттік органдарға таралуына жағдай жасап, Қазақстандағы мемлекеттік басқару жүйесінің жалпы тиімділігін арттырады.
Agile-тәсіл тек министрлікке ғана емес, барлық елге пайда әкеліп, мемлекеттік басқаруды азаматтар мен бизнестің қажеттіліктеріне бағдарланған, икемді жүйеге айналдырады.
