Жасанды интеллект саласының қарқынды дамуы DDR5 стандартына негізделген жедел жадқа деген әлемдік сұранысты күрт арттырды. Аталмыш жағдай нарықта жаңа құбылыстың пайда болуына себеп болды. Қайта сату мақсатында әрекет ететін автоматтандырылған боттар интернет-дүкендердегі тауар қорын үздіксіз бақылап, сатып алу мүмкіндігін бірінші болып иеленуге тырысуда.
Galileo киберқауіпсіздік зерттеу тобы жүргізген талдау нәтижесі мұндай жүйелер DDR5 жад модульдері ұсынылған интернет-беттерге шынайы тұтынушыларға қарағанда алты есе жиі кіретінін көрсетті.Зерттеу барысында бір ғана бақылау науқаны аясында он миллионнан астам күмәнді сұрау анықталып, бұғатталған. Талдау деректері автоматтандырылған бағдарламалардың интернет-дүкендердегі жедел жадтың бар-жоғын шамамен әр алты жарым секунд сайын тексеріп отыратынын айқындады.
Бұл жүйелер тек ойыншыларға арналған Corsair мен Kingston өнімдеріне ғана емес, сонымен бірге Micron және Apacer компаниялары шығаратын өндірістік мақсаттағы жад модульдеріне де бағытталған. Бағдарламалардың жұмыс тәсілі өте қарапайым. Олар өнім бетіне жылдам кіріп, қоймадағы қалдықты тексереді де бірден шығып кетеді. Осындай әрекет тәулік бойы тоқтаусыз жалғасады. Соның салдарынан қарапайым сатып алушылардың жедел жадты өндірушілер ұсынған бастапқы бағамен сатып алу мүмкіндігі едәуір төмендеп отыр.
Дереккөз: IXBT.
