Бүгінгі шолуымыз әсіресе кең экраннан тамашалауды ұнататын және кез келген контентті терең, әсерлі әрі жарқын тәжірибемен қабылдауға ұмтылатын көрермен үшін қызықты болмақ. Дәл осындай талапшыл аудиторияға арналған жаңа 65 дюймдік Xiaomi TV A Pro 2026 теледидары өзінің мүмкіндіктерімен ерекшеленеді.
Қазіргі заманғы Smart TV мүмкіндіктерімен жабдықталған теледидарларды әмбебап құрылғылар деп атауға болады. Олар бейне және аудионы ойнату құралын, компьютерді, жұмысқа арналған экран мен ойын консольін біріктіріп, бір құрылғыда әртүрлі қызметтерді атқара алады. Xiaomi TV A Pro 2026 – осындай «ақылды үйдің» маңызды құрамдас бөлігі болып табылады.
Теледидардың атауы «Xiaomi TV A Pro 2026» деп кездейсоқ таңдалмаған. Бұл тек маркетингтік қулық емес, алдыңғы жылғы модельге қарағанда айтарлықтай артықшылықтарға ие нақты құрылғыны білдіреді.
Құрылғының толық жиынтығына жеңіл әрі ыңғайлы пульт, қуат кабелі, талғампаз дизайндағы табақшалар және оларды бекітуге арналған бұрандалар кіреді.
Теледидар корпусы классикалық қара пластиктен жасалған, ал өз өлшемдеріне қарағанда теледидар жұқа әрі салыстырмалы түрде жеңіл – тек 12,7 кг.
Теледидардың артқы жағында сол жақ жоғарғы бөлікте компанияның логотипі көрінеді.
Төменде қуат көзіне арналған порт орналасқан. Ол сәл көтерілген платформадағы шағын ойықта орналастырылған.
Оң жақ бүйірлік бетінде платформаға орналастырылған қосымша разъектер бар. Олардың саны жеткілікті, әрі теледидар қабырғаға бекітілсе де, қол жеткізу ыңғайлы етіп орналастырылған.
Қандай қосқыштар бар екеніне назар аударайық. Төменнен жоғары қарай – теледидар антеннасын қосуға арналған қосқыш, интернетке қосылу орны, USB 2.0 қосқышы, үш HDMI қосқышы қатар орналасқан, CI ұяшығы бар және ең жоғарғысында сыртқы құрылғыларды, мысалы камера немесе ойнатқыш, қосуға арналған AV кірісі қарастырылған.
Xiaomi TV A Pro 2026 теледидары Wi-Fi және Bluetooth байланыс жүйелері арқылы жұмыс істейді. Бұл шешім сымсыз құрылғылармен тұрақты әрі үздіксіз байланыс орнатуға мүмкіндік береді. Пайдаланушы қосымша дыбыс жүйесін, құлаққапты немесе ойынға арналған басқару құрылғыларын еш қиындықсыз қосып, теледидар мүмкіндіктерін кеңейте алады.
Теледидардың артқы бөлігінде қабырғаға ілуге арналған арнайы бұрандалы тесіктер қарастырылған. Құрылғыны тұғырға қоюға да, қабырғаға бекітуге де болады. Мұндай икемділік теледидарды бөлменің жалпы көрінісіне ыңғайлап орналастыруға жағдай жасайды.
Корпустың төменгі бөлігінде екі динамик орналасқан, әрқайсысының қуаты 10 ватт. Дыбыс жүйесі анық әрі көлемді естілуімен ерекшеленеді. Әсіресе төмен дыбыстардың айқын берілуі фильм көру, музыка тыңдау және ойын ойнау кезінде әсерді күшейтеді. Ортаңғы бөлігінде теледидарды қосуға және өшіруге арналған басқару түймесі бар.
Теледидардың оң және сол жағында тұғыр аяқтарын бекітуге арналған ұяшықтар орналасқан.
Орнату үдерісі күрделі емес, стандартты бұрағыш жеткілікті. Бұл құрылғыны қысқа уақыт ішінде пайдалануға дайындауға мүмкіндік береді.
Алдыңғы бетінде жоғары сапалы QLED технологиясы қолданылған. Экранның ажыратымдылығы 3840 х 2160 пиксель, жаңарту жиілігі қалыпты режимде 60 герцті, ал ойын режимінде 120 герцті құрайды. HDR10 технологиясының қолдауы кескіннің анықтығын арттырып, түстердің табиғи көрінуін, жарық пен көлеңкенің дәл берілуін қамтамасыз етеді.
Көру бұрыштарының кең болуы экрандағы бейнені әр қырынан бірдей сапада тамашалауға мүмкіндік береді. Бұл теледидарды отбасымен немесе бірнеше адаммен бірге көруге ыңғайлы етеді.
Сыртқы пішіні қарапайым әрі жинақы. Экранның жұқалығы мен жіңішке жақтаулары кескінге назар аудартып, құрылғыға заманауи сипат береді. Төменгі жақтауы сәл кеңірек болғанымен, жалпы көріністі бұзбайды және теледидардың үйлесімді дизайнын толықтыра түседі.
Алдымен қашықтан басқару пультіне тоқталайық. Ол жұқа әрі жеңіл, сапалы пластиктен жасалған. Қуат көзі ретінде екі дана AAA үлгісіндегі шағын батарея қолданылады. Басқару жүйесінің қолайлылығы батырмалар санының әдейі азайтылуымен қамтамасыз етілген. Пультте тек негізгі басқару тетіктері орналасқан: теледидарды қосу және өшіру, басты бетке шығу, Google көмекшісін іске қосу, артқа қайту, соңғы қаралған арнаға ауысу және негізгі мәзірге өту.
TV батырмасы HDMI арқылы жылдам басқару қызметін атқарады. Бұл теледидар компьютерге немесе өзге құрылғыларға қосылған жағдайда айрықша тиімді. Сонымен қатар пультте растау тетігі, бағыттаушы пернелер және дыбыс деңгейін реттеу батырмалары бар.
Негізгі басқару мүмкіндіктерімен қатар, кейбір сервистерді бірден ашуға арналған жеке батырмалар да қарастырылған. Олардың ішінде ИВИ, Rutube, OKKO, VK Video, Premier және Wink платформалары бар. Бұл шешім қажетті қосымшаны ұзақ іздемей, бірден іске қосуға мүмкіндік береді.
Қалаған жағдайда теледидарды смартфон арқылы басқаруға да болады. Ол үшін құрылғыны алдын ала баптау жеткілікті, бұл үдеріс қарапайым әрі көп уақыт алмайды.
Xiaomi TV A Pro 2026 моделі Android 14 операциялық жүйесінде жұмыс істейді. Құрылғы 2 гигабайт жедел жадымен және 8 гигабайт ішкі сақтау орнымен жабдықталған. Мұндай техникалық көрсеткіштер күнделікті қолдану мен смарт мүмкіндіктерді тұрақты орындауға жеткілікті.
Google TV платформасы қолданушыға түсінікті әрі икемді құрылымымен ерекшеленеді. Баптау үдерістері жылдам орындалады, ал кең тілдік қолдау әр көрерменге өзіне ыңғайлы тілді таңдауға мүмкіндік береді. Бұл теледидарды әртүрлі жастағы және әртүрлі тәжірибесі бар пайдаланушылар үшін қолжетімді етеді.
Кескіннің берілуі бірқалыпты, ал 4K HDR форматындағы бейнелер жоғары айқындықпен көрінеді. Осы қасиеттерінің арқасында Xiaomi TV A Pro 2026 күнделікті пайдалануға арналған әмбебап шешім ретінде бағаланады. Ол фильмдер мен телехикаяларды, анимациялық туындыларды және спорттық көрсетілімдерді сапалы тамашалауға толық мүмкіндік береді.
Xiaomi TV A Pro 2026 моделін дербес компьютерге немесе ойын құрылғыларына арналған үлкен экран ретінде де тиімді пайдалануға болады. Ал PlayStation пен Xbox секілді ойын жүйелерімен үйлесіміне келсек, бұл теледидар олардың техникалық мүмкіндіктерін толық көрсетуге қабілетті шешім деуге әбден негіз бар.
Үлкен диагональды экран ойын барысын мүлде басқа деңгейде сезінуге мүмкіндік береді. Кең көрініс ойын кеңістігін тереңірек қабылдауға жол ашып, кадрдағы ұсақ детальдарды ертерек байқауға көмектеседі. Мұнда ең маңыздысы — экраннан қолайлы қашықтықты және көру деңгейін дұрыс таңдау. Бұл ұзақ уақыт бойы ойнау немесе жұмыс істеу кезінде көзге түсетін жүктемені едәуір азайтады.
Құрылғының тағы бір назар аударарлық мүмкіндігі — экранға арнайы бейнелер мен көріністерді орнату функциясы. Егер теледидар белгілі бір уақыт бойы қолданылмаса, алдын ала таңдалған суреттер автоматты түрде қосылады. Бұл экранның ұзақ сақталуына ықпал етіп қана қоймай, үй кеңістігінің көркін де арттыра түседі.
Дауыспен басқару жүйесі де пайдаланушыға барынша қолайлы етіп жасалған. Бұл мүмкіндік кез келген қосымшада бірдей жұмыс істейді және пульттегі микрофон белгісі бар батырма арқылы бір сәтте іске қосылады. Мұндай шешім навигацияны жылдамдатып, теледидармен әрекеттесуді әлдеқайда жеңіл етеді.
Қорытындылай айтқанда, Xiaomi TV A Pro 2026 — «ақылды үй» жүйесінің толыққанды бөлігі бола алатын, қолдану аясы кең әрі техникалық мүмкіндіктері жоғары құрылғы. Оның нарықтағы бәсекеге қабілетті әрі қолжетімді бағамен ұсынылуы бұл модельдің тартымдылығын одан әрі күшейтеді.
Теледидар кинофильмдер мен телехикаяларды, түрлі ойын-сауық бағдарламаларын және спорттық жарыстарды тамашалауға бірдей ыңғайлы. Сонымен қатар, жаңалықтар мен ақпараттық мазмұнды тұрақты тұтынатын көрермен үшін де сенімді әрі әмбебап шешім ретінде бағалауға лайық.
Жыл соңына жақын, қарбалас күндерде, сіздің кішкентайларыңыз мультфильмдерге уақыт бөледі, ал ойын сүйерлер үшін ойын приставкаларын қосу немесе Smart TV-дің кіріктірілген ойындарын пайдалану ерекше ыңғайлы болады. Бұл кезеңде әр отбасы мүшесінің қызығушылығы ескеріледі, ал технологияның көмегімен әркім өзіне ұнайтын көңіл көтеру түрін таңдай алады.
Xiaomi TV A Pro 2026 құрылғысы білім алу үшін де қолайлы. Оны онлайн-курстар мен түрлі білім беру бағдарламаларын пайдалану барысында тиімді қолдануға болады. Мұндай мүмкіндіктер әсіресе үйде оқып жүрген балалар мен қашықтан білім алатын студенттер үшін таптырмас құрал болып табылады.
Әрине, ең есте қаларлық сәттерді қайта жаңғырту да оңай. Смартфон немесе ноутбук арқылы контентті қарауға, сыртқы сақтау құрылғыларындағы фото мен видеоларға қол жеткізуге немесе үйдегі желіге қосылып, контентті үздіксіз пайдалану мүмкіндігі бар. Бұл әрбір қолданушыға ыңғайлы, жылдам әрі интерактивті тәжірибе береді.
Қорыта айтқанда, Xiaomi TV A Pro 2026 — бұл заманауи технологияларды толық пайдаланып, көру, жұмыс істеу, оқу немесе ойынға терең енуге арналған құрылғы. Сонымен қатар, ол тиімді бағада кең мүмкіндіктерді ұсынатын мінсіз шешім болып табылады. Бұл құрылғы қазіргі заманғы цифрлық өмір салтына лайықты, отбасы мүшелерінің қызығушылығын ескеретін, әрі функционалдығы жоғары теледидар ретінде ерекшеленеді.
