Microsoft Experimental agentic features атты жаңа функциясын сынақтан өткізуде. Бұл жүйе ЖИ-агентке арнайы жұмыс кеңістігін құруға мүмкіндік береді. Жақында Windows президенті Паван Давулури Microsoft болашақта Windows-ты агенттік операциялық жүйеге айналдыруға ниетті екенін мәлімдеді.
Қазіргі уақытта бұл тек тәжірибелік мүмкіндік ретінде қолжетімді. Windows 11 Insider Build 26220.7262 нұсқасында жүйеге Experimental agentic features атты баптау енгізілген. Оны өшіруге болады, бірақ бұл жүйенің негізгі жұмысында елеулі өзгеріс әкелмейді.
Функция қосылғанда жүйе Agent Workspace атты бөлек жұмыс үстелін жасайды. Microsoft-тың айтуынша, бұл орта негізгі жүйеден оқшауланған және виртуализациядан тиімді болуы тиіс. Әзірге бұл ортада ешқандай функция толық жұмыс істемейді.
Әр жаңа жұмыс кеңістігі жасалған сайын оған бөлек ЖИ-агент бекітіледі. Агентке Жүктеулер, Жұмыс үстелі сияқты негізгі қалталарға өзіне ыңғайлы рұқсат беріледі. Microsoft-тың жоспарлауынша, агент пайдаланушының атынан кейбір тапсырмаларды орындай алады. Мысалы, кіріс хаттарды өңдеу, файлдарды көшіру, бағдарламаларды іске қосу және тағы басқа әрекеттерді жүзеге асырады.
Әлеуметтік желілерде қолданушылар Microsoft-тың бұл бастамасын теріс қабылдады. Олар Windows жүйесі тым күрделі әрі бақылаудан шығатын құралға айналатынын айтып, компанияға сенім азайғанын жеткізді.
