2025 жылдың басында Samsung компаниясы өз дәстүрін жалғастырып, жаңа смартфон моделі – Samsung Galaxy S25-ті нарыққа шығарды. Бұл құрылғы тек ерекше стильді ғана емес, жасанды интеллект негізінде ең озық технологиялармен жабдықталған смартфондардың бірі болуға үміткер. Ең басты жаңалығы – смартфонды дауыс арқылы басқару мүмкіндігі.
Қазақстанда үш нұсқасы қолжетімді: Samsung Galaxy S25, Samsung Galaxy S25+ және жоғары мүмкіндіктерімен ерекшеленетін флагмандық модель – Samsung Galaxy S25 Ultra.
Samsung Galaxy S25 Ultra – жаңа технологияларды күнделікті өмірінде барынша пайдаланатындар үшін таптырмас құрылғы. Ал Galaxy S25 және Galaxy S25+ өзіндік стиліне мән беретін, көрнекілікке құмар жандарға арналған.
Galaxy S25 Ultra және S25+ келесі түстерде ұсынылады: Сапфир көк, Мұздай көгілдір, Жаңа жалбыз және Платина күміс. Ал Samsung интернет-дүкенінде тек эксклюзивті түстер – Қызғылт жібек пен Қара графит қолжетімді.
Galaxy S25 моделі келесі түстерде қолжетімді: Мұздай көгілдір, Титан қара, Платина күміс және Гранит сұр. Интернет-дүкенде бұл модель үшін қосымша қара оникс іспеттес түрі және көк- жасыл түсті асылтас тәрізді түрінің арасында таңдау жасауға болады.
Galaxy S25 және S25+ модельдерінің корпусы армирленген алюминийден жасалған. Қос модельде де Corning Gorilla Armor 2 арнайы шынысы орнатылған, бұл олардың беріктігін арттырады.
S25 Ultra нұсқасының корпусы берік титаннан жасалған, ал шынысы сызат пен соққыларға төзімді Corning Gorilla Armor 2. Бұл қасиеттер құрылғыны ұзақ уақыт бойы пайдалануға мүмкіндік береді.
Үш модельдің барлығында Dynamic AMOLED 2X технологиясымен жасалған тегіс экран орнатылған, бірақ олардың өлшемдері мен шешімі әртүрлі:
Samsung Galaxy S25: 6,2 дюйм, Full HD+ (2340 × 1080 пиксель), 120 Гц жаңарту жиілігі.
Samsung Galaxy S25+: 6,7 дюйм, QHD+ (3120 × 1440 пиксель), 120 Гц жаңарту жиілігі.
Samsung Galaxy S25 Ultra: 6,9 дюйм, QHD+ (3120 × 1440 пиксель), 120 Гц жаңарту жиілігі.
Камера мүмкіндіктері
Ең алдымен, Samsung Galaxy S25 и Samsung Galaxy S25+ құрылғыларының ерекшеліктері мен артықшылықтарын саралап,талдаудан бастайық.
Galaxy S25 және S25+ камералары бірегей дизайнымен ерекшеленеді. Артқы панельде 50 мегапиксельді негізгі камера, 12 мегапиксельді ультра-кеңбұрышты камера және 3 есе оптикалық зуммен 10 мегапиксельді телефото камерасы орналасқан. Алдыңғы панельде 12 мегапиксельді селфи камерасы бар.
Смартфон Android 15 жүйесімен жұмыс істейді. Құрылғының жоғары өнімділігін Snapdragon 8 Elite For Galaxy процессоры қамтамасыз етеді. Екі нұсқасы да 12 ГБ жедел жадымен жабдықталған.
Samsung Galaxy S25 смартфонының ішкі жады 128, 256 және 512 ГБ көлемде қолжетімді.
Galaxy S25+ нұсқасы тек 256 және 512 ГБ нұсқаларында ұсынылады.
Бұл үлгілердің барлығы жылдам сымды және сымсыз қуаттау мүмкіндігімен жабдықталған. Galaxy S25 батарея сыйымдылығы 4000 мА·сағ болса, Galaxy S25+ үлгісінде бұл көрсеткіш 4900 мА·сағ-қа жетеді.
Samsung Galaxy S25 — ең ықшам смартфон. Өлшемі 146,9 × 70,5 × 7,2 мм, ал салмағы небәрі 162 г.
Galaxy S25+ сәл үлкенірек: 158,4 × 75,8 × 7,3 мм және салмағы 190 г.
Samsung Galaxy S25 Ultra смартфонына ерекше тоқталғым келіп отыр. Бұл модель айрықша мүмкіндіктерімен, үлкен дисплейімен ерекшеленеді. Galaxy S25 Ultra флагмандық моделі камера мүмкіндіктері бойынша айтарлықтай жоғары. Оның артқы жағында 200 мегапиксельді негізгі камера, 50 мегапиксельді ультра-кеңбұрышты камера, 50 мегапиксельді телефото камера (OIS, 5 есе оптикалық зум), және 10 мегапиксельді телефото камера (OIS, 3 есе оптикалық зум) орнатылған. Алдыңғы камерасы – 12 мегапиксель.
Galaxy S25 Ultra Snapdragon 8 Elite For Galaxy чипімен, 12 ГБ жедел жадымен және 256 ГБ, 512 ГБ немесе 1 ТБ ішкі сақтау нұсқаларымен жабдықталған.
Смартфон Android 15 операциялық жүйесімен жұмыс істейді және One UI 7 интерфейсімен толықтырылған. Жаңа интерфейс жасанды интеллект (AI) технологиялары арқылы пайдаланушыға ыңғайлы мүмкіндіктерді ұсынады.
Galaxy S25 Ultra үлгісінің батарея сыйымдылығы 5000 мА·сағ, ал салмағы 218 г. Смартфон өлшемдері 162,8 × 77,6 × 8,2 мм.
Samsung Galaxy S25 топтамасының барлық үш нұсқасы да бу жүйесімен жабдықталған жетілдірілген салқындату технологиясын ұсынады. Бұл шешім құрылғының ұзақ уақыт бойы тұрақты жұмыс істеуін қамтамасыз етеді және жүктеме кезінде қызып кетудің алдын алады.
Galaxy S25 Ultra моделі, жаңа топтамадағы басқа смартфондар сияқты, екі SIM-карта үшін слотпен жабдықталған және eSIM қолдауын ұсынады. Бұл мүмкіндік пайдаланушыларға бірнеше нөмірді бір құрылғыда басқаруға мүмкіндік береді.
Galaxy S25 Ultra смартфонының өлшемдері 162,8 × 77,6 × 8,2 мм, ал салмағы 218 г. Бұл үлгі өзінің үлкен дисплейімен және айрықша функционалдығымен ерекшеленеді.
Samsung Galaxy S25 топтамасы 2025 жылдың басты ерекшеліктерінің бірі – жасанды интеллектінің (AI) мүмкіндіктерін фантастикалық деңгейде қолдануы. Смартфон AI арқылы пайдаланушы тәжірибесін жаңа деңгейге көтереді, күнделікті әрекеттерді оңтайландырады және оларды жеңіл әрі тиімді етеді.
Samsung Galaxy S25 смартфоны – жасанды интеллектінің жаңа деңгейге көтерілгенінің көрінісі. Құрылғыны дыбыс арқылы басқаруға, қолданбалар арасында дауыспен әрекеттесуге және күрделі тапсырмаларды лезде орындауға болады.
Кросс-қолданбалар сіздің уақытыңызды үнемдеуге бағытталған. Ол хабарламаларды немесе ақпаратты іздеп, оны қалаған адамға жылдам жібере алады. Сондай-ақ, жоспарланған шараларды анықтап, күнтізбеге еске салғыш қоса алады. Бейнероликтерді қарап шығып, олардың мазмұнын мәтін түрінде қысқаша қорытындылап береді.
Samsung Galaxy S25 құрылғысы сізге байланысудың шексіз мүмкіндіктерін ұсынады. Дыбыстық хабарламаларды мәтінге айналдыру, қажетті тілде мәтіндік хабарламаларды аудару немесе синхронды аударма жасауға мүмкіндік береді. Қазіргі таңда бұл технология 30-дан астам тілді қолдайды.
Z ұрпағына арналған интеллектуалды мультимодальды іздеу жүйесі кез келген ақпаратты жылдам табуға көмектеседі. Дыбыс арқылы белгілі бір күнде түсірілген фотосуреттерді немесе белгілі тақырыптағы суреттерді (мысалы, гүлдер, үй жануарлары, портреттер) іздеуге болады. Музыка, мәтін, құжат секілді материалдарды да оңай табуға мүмкіндік береді.
Телефоныңызға “Күн қорытындысы” атты функцияны іске қоса аласыз . Бұл функция күнделікті тапсырмаларды жеңілдетіп, еске салғыштар құрып, денсаулығыңызды бақылауға көмектеседі.
S Pen қаламының көмегімен жасанды интеллект арқылы қарапайым эскиздерді керемет суретке айналдыруға болады.
“Жұмыс тәртібі мен жол бағыты” және “Smart Things” бөлімдерінен алынатын ұсыныстар үйді автоматты түрде басқаруға мүмкіндік береді. Мысалы, үйге жетпей тұрып кондиционерді қосу немесе робот шаңсорғышты іске қосу.
Фото мен бейнемен жұмыс істеудегі шексіз мүмкіндіктер
Енді кез келген жағдайда, тіпті жарық жеткіліксіз болса да, керемет бейне түсіре аласыз.
Сізді бейненің табиғи көрінісі, жақындатқанда анықтылығы және кең түстер палитрасы таңғалдырады.
Бейне түсіру кезінде масштабтау өте тегіс болады, бұл сізге кәсіби камерамен жұмыс істеп жатқандай әсер қалдырады. Жасанды интеллект жақындату кезінде кадрларды өздігінен толықтырып, көріністі үздіксіз етеді.
Жаңа мүмкіндіктердің бірі – телефоныңыздағы бейнелерден тақырыпқа сай қысқа фильмдер жасау. Бағдарлама қажетті бейнелерді таңдап, оларды өңдеп, монтаж жасайды.
Тағы бір маңызды функция – бейнеден шу мен артық дыбыстарды жою. Бұл дыбысты барынша таза етуге мүмкіндік береді. Мысалы, егер спикерді түсіру кезінде жел, су шуылы немесе басқа да сыртқы дыбыстар болса, оларды едәуір азайтып, тек спикердің дауысын қалдыруға болады. Немесе керісінше, табиғаттың дыбыстарын қалдырып, дауысты толығымен алып тастауға болады.
Samsung Galaxy S25 смартфоны арқылы сіз кәсіби деңгейде түсіріп, өңдей аласыз. Бұл жаңашылдықтар құрылғының барлық мүмкіндіктерімен танысып, шығармашылық қабілетіңізді дамытуға тамаша мүмкіндік береді.
Жақын арада бұл жаңа мүмкіндіктерді толықтай зерттеп көру мүмкіндігіне ие боласыз!
Samsung Galaxy S25 — бұл тек смартфон емес, жаңа технологиялар мен жасанды интеллектінің үйлесімі. Ол сіздің күнделікті өміріңізді жеңілдетіп, шығармашылық мүмкіндіктеріңізді кеңейтеді. Барлық жаңа функциялармен жақын арада таныса аласыз.
