Сәлем, құрметті оқырман!
Бүгін Huawei компаниясы Қазақстан нарығында HUAWEI nova 13 смартфондарының жаңа топтамасын таныстырды. Біздің порталдың журналистері бұл құрылғылардың алғашқы көрермендерінің қатарында болып, олардың ерекшеліктерін бағалау мүмкіндігіне ие болды. Жаңа смартфондар сатылымға шықты. Енді қазақстандықтар бұл жоғары технологиялық жаңалықты алғашқылардың бірі болып иелене алады. Бұл құрылғы сәнді дизайн, озық технологиялар мен өнімділіктің үйлесімімен ерекшеленеді.
Енді іс-шараның басты кезеңдері мен есте қалған сәттерімен бөліссек.
Ең алдымен, бізді селфи және портреттік түсірілім мүмкіндіктері таң қалдырды. HUAWEI nova 13 топтамасындағы смартфондары өзіндік ерекше сәттерді бағалайтындар үшін арнайы жасалған. Негізгі және алдыңғы камераларда қолданылған жаңа фокус технологиясы кез келген жағдайда анық әрі әсерлі суреттер түсіруге мүмкіндік береді.
Таныстырылыған телефондардың тағы бір ерекше функциясы – жасанды интеллектіге негізделген мимиканы таңдау және ауыстыру мүмкіндігі. Бұл функция портреттік суреттерді шынайы әрі әсерлі етіп көрсетеді. «Үздік мимика» деп аталатын мүмкіндік бет-әлпеттегі эмоцияларды бұрынғы суреттерден алынған үлгілер арқылы ауыстырып, табиғи көріністі сақтайды. Бұл фотоларды одан да шынайы әрі сапалы етіп шығарады.
Түсірілім саласын кәсіби деңгейде меңгергісі келетіндер үшін тамаша жаңалық бар. HUAWEI nova 13 Pro моделі 50 МП камерасымен жабдықталған. Бұл камера f/1.4-тен f/4.0-ке дейін реттелетін диафрагмасының арқасында әртүрлі жарық жағдайларына автоматты түрде бейімделе алады.
HUAWEI nova 13 смартфондары XD Portrait Engine жүйесімен жабдықталған, ол суреттердің сапасын автоматты түрде оңтайландырып, AI арқылы жақсартады. Бұл функция жоғары сападағы суреттерді еш қиындықсыз түсіруге мүмкіндік береді.
Камерадан бөлек, құрылғының жылдам қуатталуы да ерекше назарға лайық. HUAWEI Super Charge Turbo технологиясы 100 Вт қуатпен жабдықталған, бұл құрылғыны небәрі 10 минут ішінде 50%-ға дейін қуаттауға мүмкіндік береді. Сонымен қатар, 5000 мАч батарея сыйымдылығы мен қауіпсіздік жүйелері: түнгі қуаттау режимі, шамадан тыс жүктеме мен адаптерден қорғау сияқты мүмкіндіктер де қол жетімді.
Дизайн – сән мен стиль үйлесімі
HUAWEI nova 13 үш түсте ұсынылған: қара, ақ және тұманды жасыл. Құрылғының дизайны сән әлеміндегі торлы өрнек стилінен шабыт алған. Ал камера блогының Super Star Orbit Ring дизайны металл бетке ерекше нақышпен гравировка жасауды ұсынады.
Смартфонның кезекті артықшылықтарының бірі – EMUI 14.2 интерфейсі. Бұл интерфейс пайдаланушыларға ыңғайлы және қауіпсіз жұмыс ортасын ұсынады. Қорғау орталығы қауіптерді бақылайды, ал жеке мәліметтерді қорғау орталығы қолданбалардың сіздің деректеріңізге қол жеткізуін бақылауға мүмкіндік береді.HUAWEI nova 13 топтамасының смартфондары сатылымға шықты. Сатылымның басталуына орай арнайы бағалар ұсынылады: HUAWEI nova 13 – 249 990 тг, ал HUAWEI nova 13 Pro – 279 990 тг.
Бұл смартфондардың артықшылықтары заманауи технология мен стильді үйлестіре отырып, өзіне назар аудартуға әбден лайық.
