CES-2025 көрмесінде Donut Lab компаниясы электр көліктерін жасауда жаңа мүмкіндіктер ашатын ерекше платформасын таныстырды. Бұл платформа сақина тәрізді моторды қолдануға негізделген, ал оның түпнұсқасын финдік Verge стартапы әзірлеген. Verge – қазіргі таңда Donut Lab-тың еншілес компаниясы.
Компанияның бас директоры Марко Лехтимякидің айтуынша, алғашқы сынақтар сақина моторының мүмкіндіктерін шектемеу керектігін көрсеткен. Моторды алғаш рет электр велосипедте қолдану сәтті нәтиже бергеннен кейін, инженерлер оның басқа көлік түрлерінде де тиімді болатынын түсінген. Оған қоса, олар түрлі өндірушілердің бөлшектерін үйлестіруден туындайтын қиындықтарды жою үшін жан-жақты бейімделетін платформа құруға кіріскен.
Donut Lab платформасы мотор, аппараттық жабдық және басқару жүйелерін біріктіреді. Бұл оны тек электр көліктерінде ғана емес, ұшақтарда, әскери техникаларда, тіпті роботтарда қолдануға мүмкіндік береді.Мысалы, осы платформа негізінде жасалған Oruga Unitrack көлігі 120 км/сағ жылдамдықпен қозғалып, бір қуаттағанда 200 км жол жүреді. Ал ауыр салмақты Rotorhawk дронының техникалық сипаттамалары әлі толық жарияланбаса да, әзірлеушілер оның өз топтамасындағы үздік дрон болатынына сенімді.
