Кез келген істің негізінде дәлдік, ырғақ және үйлесім жатыр. Әсіресе, үлкен жобалар мен шығармашылық бағытта жұмыс істегенде бұл талаптар маңызды бола түседі. Міне, осындай ортада технология мен шеберлік бірігіп, сәттіліктің кілтін құрайды. Әрбір қимыл мен идея мағынаға ие болып, ең үздік нәтижеге жетуге көмектеседі. Chef Star компаниясы дәл осы қағидаларды ұстанып, шеберлік пен заманауи технологияларды үйлестіріп, өз жұмысын алға жылжытатын ерекше брендке айналған.
Технологиялар бизнестің алға басуына орасан зор ықпал етеді. Шығармашылық пен қолайлылық ұштасқан салаларда жұмыс сапасын арттыру үшін тиімді құралдардың рөлі айрықша. Chef Star компаниясы – ас үй мамандары үшін арнайы киімдер өндіретін бренд, ал оның негізін қалаушы Расул Қасымбеков үшін сенімді серікке айналған техника -ASUS ExpertBook P5 (P5405CSA).
Chef Star – кәсіби мамандарға сапалы әрі сәнді киім ұсынатын ерекше компания. Әсіресе , аспаздар мен даяшыларға арналған заманауи әрі ыңғайлы жұмыс киімдері тігіледі. Әр бұйымның дизайны мен қолайлылығы компанияның негізгі ұстанымы- сапа мен сәннің үйлесімін көрсетеді.
ASUS ExpertBook P5 – кәсіп иелері үшін таптырмас құрал. Оның жеңілдігі мен қуаттылығы кез келген тапсырманы орындауға мүмкіндік береді. Құрылғы ұзақ уақыт бойы автономды жұмыс істеп, мәліметтердің қауіпсіздігін сақтап, дизайнерлік жобалар үшін керемет экран ұсынады. Мұндай ерекшеліктер ASUS ExpertBook P5-ті жай ғана ноутбуктан кәсіби серікке айналдырады.
Chef Star негізін қалаушы Расул Қасымбековтың айтуынша, бұл ноутбук сапалы өнім жасауда ерекше рөл атқарады. “ASUS ExpertBook P5 – бизнесімнің ажырамас бөлігі. Ол мобильді, қуатты және кез келген жобаны жүзеге асыруға дайын. Біз дизайн мен сапаны бірінші орынға қоямыз, ал бұл ноутбук бізге осы мақсаттарға жетуге көмектеседі,” – дейді Расул.
Компанияның тыныс-тіршілігімен танысу үшін Расул Қасымбековпен сұхбаттастық. Бұл брендте нақтылық пен шабыттың қалай үйлесім тапқанын және ASUS ExpertBook P5 ноутбугының бұл үдерістегі рөлін білдік.
Mobilaser: Қайырлы күн, Расул! Сұхбат беруге келіскеніңіз үшін рақмет. Бізді заманауи технологиялардың, оның ішінде ASUS ExpertBook P5 ноутбугының сіздің жұмысыңызда қандай рөл атқаратындығы, қызықтырады. Алдымен, Chef Star компаниясы туралы қысқаша айтып өтсеңіз. Компания немен айналысады және оның ерекшелігі неде?
Расул: Сәлеметсіздер ме! Мен үшін сіздердің қызығушылық танытқандарыңыз маңызды. Chef Star – қоғамдық тамақтану саласы мамандарына арналған арнайы киімдер өндірісімен айналысатын бренд. Біздің өнімдеріміз аспаздар, даяшылар және мейрамхана бизнесінің басқа да өкілдері үшін жасалады.
Топтамамызды пайдалану ыңғайлылығы мен сапасына баса назар аудара отырып дайындаймыз. Әрбір бұйым, әрбір киіміміз ерекше талғаммен тігілген. Біз киімнің ұзақ мерзімге жарамдылығын ғана емес, оның сыртқы көрінісіне де көңіл бөлеміз. Себебі, біздің мақсат – сапа мен сәннің үйлесімділігін қамтамасыз ету.
Mobilaser: Қызық екен! ASUS ExpertBook P5 ноутбугы осы барлық процестерді басқаруға қалай көмектеседі? Ол сіздің жұмысыңыздың ажырамас бөлігіне айнала алды ма?
Расул: ExpertBook P5 шынымен де мен үшін өте маңызды құралға айналды. Біздің салада үлкен көлемдегі деректер мен идеялармен жұмыс істеу үшін тұрақты, мобильді және жылдам құрылғының болуы өте маңызды. Атап айтсақ ,бұл құрылғыны басқару кезеңінен бастап, жеткізілімдерді қадағалап, жаңа дизайн идеяларын әзірлеуге дейін қолданамын. Бұл менің барлық жұмысты тиімді атқаруға мүмкіндік беретін әмбебап құралым. Бір уақытта бірнеше жұмыспен атқаруға жағдай жасайды. Жұмыс кезінде ноутбуктың өнімділігіне де алаңдамаймын.
Mobilaser: Байқауымыз бойынша, жұмыс кестеңіз тығыз. Ноутбуктың мобильділігі сіз үшін қаншалықты маңызды?
Расул: Бұл өте маңызды сәт. ExpertBook P5 салмағы небәрі 1,29 кг, ал қалыңдығы – 14,9 мм ғана. Күніне үштен беске дейін кездесулер өткіземін: жеткізушілермен, клиенттермен, дизайнерлермен. Ал менің ноутбугім жеңіл, бірақ металл корпусының арқасында көрнекті көрінеді. Іскерлік кездесу кезінде оны шығарып көрсетсең, әңгімелесуші бірден оның сапасы мен технологиясына ерекше назар аударады.
Mobilaser: Ноутбукта көптеген қосылу құралдары бар. Сіз оларды қалай қолданасыз?
Расул: Иә, мұнда жұмыс істеуге қажетті барлық қосқыштар бар: екі USB-C Thunderbolt 4, HDMI 2.1, екі USB-A және үш 4K дисплейді бір уақытта қосу мүмкіндігі. Мен жиі презентациялар үшін проектор қосып, деректермен жұмыс істеу үшін сыртқы құрылғыларды пайдаланып жүрмін. Деректерді беру жылдамдығы керемет.
Mobilaser: Ноутбуктың сырт келбеті өз алдына, ал қандай артықшылықтарымен жұмыс барысын жеңілдетеді?
Расул: Бұл енді бөлек тақырып. Шынымды айтсам, мен жаңа технологияларды ұнатамын және әрдайым жаңа техно-трендтерге қызығушылық танытамын. Бұл модель маған өте ұнады. Оның ішінде Intel Core Ultra 7 258V процессоры мен 8 ядро және 32GB LPDDR5X-8533 жады бар, олар процессорға біріктірілген. Бұл ноутбук өте жоғары жылдамдықпен жұмыс істейді, тапсырмаларды тез орындауға мүмкіндік береді және күрделі бағдарламаларды оңай өңдейді.
Біз өнімнің өзіндік құнын есептеу және есептер жасау үшін арнайы бағдарламаларды қолданамыз. Мұндай тапсырмалар жоғары есептеу қуатын талап етеді, бірақ ноутбук ешқандай кідіріссіз жұмыс істейді. Сонымен қатар, мен кейде графикалық редакторларда дизайнды өзім түзетемін, ал 16GB Intel Arc 140V графикасының арқасында бұл өте жылдам әрі анық жасалады. Экран да өте жақсы, жарқын, көріну бұрыштары ыңғайлы және күн сәулесінде де жақсы жұмыс істейді.
Mobilaser: Сөзіңіздің барысында экран туралы айтып өттіңіз. Ол жұмыста және презентацияларда қалай көмектеседі?
Расул: Экранның келесідей сипаттамаларын айта өту керек: 2560×1600 ажыратымдылығы, 400 нит жарықтығы және 1200:1 контрастылығы, ал 144 Гц жаңарту жиілігі керемет айқындықты береді.
Біз маталармен, түрлі түстермен және өрнектермен жұмыс істейміз, олардың дәл берілуі өте маңызды. Кейде мен клиенттерге киім дизайнын ноутбуктен-ақ көрсетемін, олар бірден нақты түс пен матаның құрылымы жайлы түсінік қалыптастырып, киім үлгісін қолында ұстап тұрғандай әсер алады.
Mobilaser: ExpertBook P5 ноутбугының сізге айрықша ұнайтын қандай артықшылықтары бар?
Расул: Әрине, ең алдымен, мен ноутбуктың ұзақ уақыт қуаттауды қажет етпей, жұмыс істей алу мүмкіндігін айтар едім. Сондай-ақ, оның ықшамдылығы да өте маңызды. Өйткені мен үнемі іссапардамын және клиенттермен кездесу орындары да әртүрлі. Осы жағдайда құрылғының 1-ақ рет қуаттау арқылы ұзақ уақыт жұмыс істей алуы өте маңызды.
Mobilaser: Ноутбуктың аккумуляторы 20 сағатқа дейін жұмыс істей алады деп көрсетілген. Бұл сіздің күткеніңізге сәйкес келе ме?
Расул: Асыра айтқаным емес,бірақ менің күткенімнен бе асып түсті. Мен жиі іссапарларда боламын, сондықтан таңертеңнен кешке дейін қуаттпмай-ақ жұмыс істей аламын. Ноутбуктың жылдам қуаттау мүмкіндігі де өте пайдалы: 49 минут ішінде батарея 60%-ға дейін толады. Бұл әсіресе кездесулер арасында тек жарты сағаттық үзіліс болса, өте ыңғайлы.
Mobilaser: Түсінікті. Ықшамдылық пен автономды жұмыс істеу – маңызды артықшылықтар. Ал деректердің қауіпсіздігі сіз үшін қаншалықты маңызды? Өйткені бұл кәсіпкерлер үшін аса өзекті мәселе.
Расул: Әрине, деректерді қорғау – бизнестің ең маңызды талаптарының бірі. Әсіресе, бизнес деректері, келісім-шарттар, коммерциялық ұсыныстар және басқа да құпия ақпаратпен жұмыс істегенде қажет. ExpertBook P5 бұл мәселеде өте мұқият ойластырылған. Оның саусақ ізі сканері бар, бұл құрылғыға жылдам әрі қауіпсіз кіруге мүмкіндік береді. Веб-камераға арналған арнайы жапқышы да бар, өзге адамның сіздің аңду, бақылау секілді әрекеттерінен қорғайды. Сонымен қатар, деректердің құпиялығын қамтамасыз ететін TPM 2.0 криптопроцессоры орнатылған, сондықтан ноутбук басқа адамның қолына түссе де, ақпаратқа қолжетімділік болмайды. Ал қауіпсіздік жаңартуларының бес жыл бойы қолжетімді болуы – сирек кездесетін мүмкіндік.
Mobilaser: Ал топтың жұмысын ұйымдастыруға қандай да бір көмегі бар ма? ExpertBook P5 коммуникациялық тапсырмаларды қалай орындайды?
Расул: Әрине! Бүгінгі таңда көптеген жиналыстар мен талқылаулар онлайн форматта өтеді, сол себепті бейнемен және дыбыспен байланыс сапасы өте маңызды. ExpertBook P5 осы мәселеде жақсы нәтиже көрсетеді. Мен оны бейнеқоңыраулар үшін қолданамын: жаңа модельдерге қатысты, дизайнды командамен талқылаған кезде, өндіріс процесінің әр кезеңінде мәліметтерді нақтылау үшін. Ноутбуктың экран өте анық, макеттерді көрсетуге, кң ұсақ мәліметтермен жұмыс істеу қиындық туғызбайды. Ал камера мен микрофондар шынайы кездесудегідей әсер береді, бұл байланыс сапасын жақсартып, жұмыс процестерін жылдамдатады.
Mobilaser: Сізге ең әсер қалдырған ноутбуктың ерекшілігі қандай?
Расул: Бірден айтарым, ExpertBook P5 – бұл ASUS-тың жасанды интеллектіні қолдайтын алғашқы корпоративтік ноутбугі. Мысалы, ішкі Copilot+ жүйесі Windows жүйесінде жұмыс істейді: субтитрлерді нақты уақыт ішінде аудару, бейнеконференциялардың сапасын жақсарту және тіпті ойындарда ажыратымдылықты арттыру мүмкіндіктері бар.
Mobilaser: Сіз жасанды интеллектіні қолдану туралы да айта өттіңіз. Бұл бизнесте қалай көмектеседі?
Расул: Бұл менің сүйікті мүмкіндіктерімнің бірі. Мысалы, AI ExpertMeet бағдарламасы біздің жиналыстарымыз үшін таптырмас құрал. Жиналыс кезінде талқыланған мәселелерді сақтап, мәтінге түрлендіреді. Негізгі сәттерді бөліп көрсетеді. Біз жиі бірнеше жобаны бір уақытта талқылаймыз, ал бұрын бұл үшін хаттама жүргізу қажет еді. Енді бәрі автоматты түрде жасалады.
Расул: Тағы бір маңызды ерекшелік — жасанды интеллектінің көмегімен шу мен сыртқы дыбыстарды азайту мүмкіндігі. Ноутбук айналадағы дыбыстарды сүзгіден өткізеді. Бұл мобильді болуға және сыртқы дауыстардан алаңдамай жұмыс істеуге мүмкіндік береді.
Mobilaser: Керемет! Қорытындылай келе, сіз ASUS ExpertBook P5-ті кімдерге ұсынар едіңіз? Бұл құрылғы, әсіресе ,кімдерге қолайлы болмақ?
Расул:Мен оны мобильділік пен автономдылықты бағалайтын, бірақ өнімділіктен бас тартқысы келмейтін адамдарға ұсынар едім. Әсіресе жиі іссапарларда жүретін кәсіпкерлер мен басқарушыларға өте ыңғайлы. Деректердің қорғалуы, ықшам дизайны мен қуатты ішкі жүйесі арқасында ExpertBook P5 – бұл кеңседе де, оның сыртында да сенімді көмекші болатын әмбебап жұмыс құралы. Жаңа P сериясындағы кіші модельдер қызметкерлер мен қарапайым қолданушыларға да қолжетімді әрі қызықты болуы мүмкін. Сондай-ақ, ASUS Business бағдарламасының Қазақстанда іске асырылуы мені таң қалдырды.
Mobilaser: Дұрыс айтасыз. Бірақ бәрін рет-ретімен айтайық. ASUS ExpertBook P сериясы – бизнес үшін күнделікті қолдануға өте ыңғайлы ноутбуктердің қатарын ұсынады. Бұл қатарға ASUS ExpertBook P5 (P5405CSA) моделінен басқа тағы екі модель кіреді – P1403 және P1503. Әрқайсысы өз алдына әртүрлі тапсырмаларға арналған: мобильді жұмыс немесе кеңседегі жұмыс үшін.
P1403– жиі жол жүретіндер үшін тамаша таңдау. Бұл ноутбук жеңіл (1,5 кг шамасында) және ықшам, оны өзімен алып жүру өте ыңғайлы. Оның 14 дюймдік экраны мен ұзақ уақыт автономды жұмыс істеу мүмкіндігі жолда, кездесуде немесе сапар кезінде тиімді жұмыс істеуге мүмкіндік береді. Бұл – үнемі қозғалыста жүретіндер үшін керемет таңдау.
Егер сіздің жұмысыңыз кеңсе тапсырмаларын орындаумен тығыз байланысты болса, P1503 – сіз үшін таптырмас көмекші. Оның 15,6 дюймдік экраны үлкен кестелермен, графикалармен немесе мәтіндермен жұмыс істеуге ыңғайлы. Ноутбуктың сенімді құрылымы мен қуатты жүйесі күнделікті тапсырмаларды орындауға жеткілікті.
ASUS Business Қазақстанда тек бренд емес, кез келген бизнеске қолдау көрсетуге арналған экожүйе. Егер сіз басшы болсаңыз, көп тапсырмаларды орындап, сенімді шешім қажет болса, ASUS сізге көмекке келеді. Ноутбукты қалаған конфигурацияда алуға болады, және барлық қажетті бағдарламалар мен баптаулар да қолжетімді. Бұл стандартты шешімдер емес, нақты сіздің қажеттіліктеріңізге сай келетін өнімдер.
ASUS компаниясы икемді кепілдеме бағдарламаларын ұсынады, бұл оның бәсекелестерінен бір қадам алда екенін көрсетеді. Бес жылдық қолдау мен жабдықтарды ауыстыру сияқты мүмкіндіктер жұмыс үзіліссіз жүруін қамтамасыз етеді. Қазақстанда ASUS ноутбуктері сенімділік пен сапаның кепілі болып есептеледі.
Компания B2B сегментінде де белсенді жұмыс істейді. Арнайы конфигурациялар мен SMB сұраныстары бойынша икемді шешімдер ұсынатын ASUS мамандары сіздің тапсырмаларыңызды жылдам орындап, кәсіби қолдау көрсетеді.
ASUS жергілікті дистрибьюторлармен тығыз байланыста жұмыс істейді, ең танымал модельдерді әрқашан қолжетімді етіп ұсынады. Сонымен қатар, еліміз бойынша кеңейтілген қызмет көрсету орталықтары арқылы кез келген жерде көмек көрсету мүмкіндігі бар.
Қазақша пернетақта? Әрине, бұл ASUS үшін маңызды талаптардың бірі, олар жергілікті ерекшеліктерге назар аударып, мәдениетке құрметпен қарайды.
Mobilaser: Егер ASUS ExpertBook P5-ті қандай үш сөзбен сипаттар едіңіз және неге?
Расул: Күш, интеллект, сенімділік.
Мен ASUS ExpertBook P5-ті осылай сипаттаймын. Күш – ол кез келген тапсырманы жеңіл орындайды. Интеллект – оның озық ЖИ технологиялары күнделікті тапсырмаларды автоматтандырып, уақытты үнемдейді. Сенімділік – деректеріңіздің қауіпсіздігі мен өнімділіктің тұрақтылығы.
Mobilaser: Расул, толық ақпарат бергеніңіз үшін рақмет! Компанияңыз, Chef Star-ға табыс тілейміз!
Расул: Рақмет! Тәжірибеммен бөліскеніме қуаныштымын. Сіздерге сәттілік тілеймін!
