«MOBILASER» мобильді электроника порталы жаңа жыл қарсаңында дәстүрлі сұхбаттар топтамасының алғашқы шығарылымын жариялады. Бұл топтамада Қазақстандағы IT-технологиялар, телекоммуникациялар, сатылым салаларында қызмет ететін компаниялар мен ұйымдардың басшылары, сондай-ақ мобильді электроника саласындағы мамандар сауалдарымызға жауап беріп қана қоймай, алға қойған жоспарларымен бөлісді.
Бүгінгі сұхбатымыздың қонағы – Samsung Electronics Central Eurasia баспасөз қызметінің жетекшісі Берік Умаров.
Осы жыл компанияңыз үшін қандай нәтижелермен есте қалды?
Ең алдымен, Samsung Electronics компаниясы атынан барша оқырманды келе жатқан Жаңа жылмен құттықтап, жаңа жылда барлық арман-мақсаттардың орындалуын тілеймін!
Бұл жыл біз үшін өте нәтижелі болды. Біз жаңа жетекші өнімдерімізді таныстырдық, оның ішінде Galaxy S және Galaxy Z смартфондарының жаңа үлгілерін шығардық, QLED теледидарларын ұсындық, сондай-ақ жасанды интеллектімен жабдықталған премиум сапасындағы кір жуғыш және кептіргіш машинасын әзірледік.
Сонымен қатар, көп жылдан кейін алғаш рет Атырау, Алматы және Шымкент қалаларында үш жаңа фирмалық дүкен аштық. Сіздерді дүкенімізде асыға күтеміз:).
Жалпы алғанда, әлемдік қиын экономикалық ахуал мен еліміздің жағдайына қарамастан, біз бұл жылды сәтті деп бағалаймыз.
Осы жыл ішінде қандай жетістіктерді атап өтер едіңіз? Қазіргі мәселелерді шешуге не көмектесті? Сіздің салаңызда қандай жаңашылдықтар пайда болды?
-Әрбір коммерциялық компания үшін ең маңызды көрсеткіш — сатылым. Өнімдердің саны артқан сайын, оның нәтижесі де оң болады. Біздің компания үшін бұл қағида әрдайым өзгеріссіз, бірақ оның үстіне біз жаңа технологияларды енгізу мен қазіргі заманғы трендтерді қадағалауға ерекше көңіл бөлеміз. Солардың ішінде ең жарқын мысал — бүгінде кең тарала бастаған жиналмалы смартфондар.
Осы жылы жасанды интеллект (ЖИ) біз ұсынатын өнімдер мен қызметтерге үлкен ықпалын тигізді. Тұтынушыларымыз бұл өзгерістерді жақсы қабылдады. Жасанды интеллект тек өнімдерімізде ғана емес, сонымен қатар кеңсе жұмыстарында да қолданылуда. Мысалы, жақында біз өзіміздің генеративті ЖИ үлгіміз — Gauss2-ні таныстырдық.
Жасанды интеллект біздің өмірімізге барынша терең еніп, оны одан әрі өзгертуін жалғастыруда. Бұл технологияның дамуы біздің жұмысымыздың жаңа бағыттарын анықтап, болашақта көптеген мүмкіндіктерге жол ашады. Жасанды интеллект күннен-күнге жаңа деңгейге көтеріліп, жаңа идеялар мен шешімдерді ұсынуда бізді алға жетелеп келеді.
Келер жылдан не күтесіз? Жаңа жылда компанияңыз қазақстандықтарға қандай жаңалықтар ұсынбақ?
Келер жылы Қазақстандағы экономикалық жағдай күрделі болуы мүмкін екендігі белгілі. Дегенмен, Samsung Electronics өз тарапынан жаңа өнімдер мен технологиялар арқылы қазақстандықтарды қуантуды жалғастырады. Біз тұтынушыларымызға жаңа сапалы өнімдер ұсынып, олардың күнделікті өміріне тиімді әрі ыңғайлы өзгерістер енгізу үшін жұмыс істеуді жалғастырмақпыз.
Жаңа жыл компаниямыз үшін жаңа мүмкіндіктерге толы болары сөзсіз. Жаңа технологиялар мен жаңашылдықтар арқылы біз тұтынушыларымыздың сенімін одан ары нығайтып, олардың қажеттіліктерін қанағаттандыруға бағытталған шешімдер ұсынуды жалғастыра береміз.
