Bloomberg агенттігінен Марк Гурман Apple компаниясы iPhone құрылғысына қосылатын фильм көруге арналған көзілдірік жасау мүмкіндігін зерттеп жатқанын хабарлады.
«Бұл құрылғы iPhone-ның есептеу қуатын пайдаланады.Xreal секілді компаниялардың көзілдіріктеріне ұқсас болмақ Apple үшін бұл өнім iPhone-ды өз экожүйесінің орталығы етіп бекітуге және 3500 доллар тұратын Vision Pro-ға қарағанда әлдеқайда танымал әрі қолжетімді балама ұсынуға мүмкіндік береді».
Сондай-ақ, Марк Гурман Apple компаниясының Apple Vision өнімдер желісі бойынша болашақ жоспарларына тоқталды. Ол Apple компаниясы Vision Pro үшін жаңа чипті жаңарту жоспарда барын айтты, бірақ аталмыш өзгерістер 2025 жылы жүзеге асатыны туралы нақты мәлімет берген жоқ. Естеріңізге сала кетсек, Apple өнімдерінің жеткізілу тізбегін зерттейтін аналитик Минг-Чи Куо 2025 жылы Apple жаңа, әзірге жарияланбаған M5 чипімен жаңартылған Vision Pro өнімдер желісін шығаруды жоспарлап отырғанын болжаған.
Сонымен қатар, Марк Гурман Apple компаниясы Vision Pro құрылғысының арзан нұсқасын әзірлеп жатқанын, бірақ бұл модельдің шығу мерзімі әлі белгісіз екенін атап өтті. Ал Минг-Чи Куо бұған дейін осы модельдің нарыққа шығуын 2027 жылдан кейінге қалдырғанын мәлімдеген.
