Жеке кәсіпкерлер әлеуметтік төлем мөлшерін өздері анықтайды.
Бұл туралы Қазақстан Республикасы Еңбек және әлеуметтік қорғау министрінің 2024 жылдың 30 қыркүйегінде шыққан бұйрығында айтылған. Аталмыш бұйрықта әлеуметтік төлемдер, міндетті зейнетақы жарналары, міндетті әлеуметтік медициналық сақтандыру жарналары, интернет платформасының операторы арқылы жеке табыс салығын ұстау және аудару, сондай-ақ артық төленген сомаларды қайтару тәртібі туралы ережелер бекітілген.
Әлеуметтік төлемдердің есебі әлеуметтік төлем мөлшері өзгерген айынан кейінгі айдың 1-інен басталады.
Жеке табыс салығы мен әлеуметтік төлемдердің есептеу объектісі — кәсіпкердің көрсетілген қызметтер мен орындалған жұмыс үшін алған кірісі. Жеке табыс салығы мен әлеуметтік төлемдердің сомасы шағын және орта кәсіпкерлік (ШОК) тарапынан ай сайын есептеліп, есепті айдың 15-іне дейін тапсырылуы қажет. Кәсіпкерлердің кірісі туралы ақпарат Қазақстан Республикасының Қаржы министрлігінің Мемлекеттік кірістер комитетінің ақпараттық жүйесіне оператор арқылы беріледі.
Оператор жеке табыс салығы мен әлеуметтік төлемдерді, сондай-ақ айыппұлдарды кезең-кезеңімен электронды төлем тапсырмалары арқылы аударады. Сонымен қатар, мемлекеттік корпорацияға кәсіпкерлердің тізімін қосымша ұсынады.
