“sammyuri” лақап атымен танымал ойыншы CraftGPT жүйесін Minecraft ойынының блоктарымен жасап шығарды. Жоба нақты қолдануға арналмағанымен, адамның шығармашылық қабілеті мен ойын технологиясының мүмкіндігін көрсетуге арналған ерекше тәжірибе болып отыр.
CraftGPT-ті іске қосу үшін кемінде 32 Гб оперативтік жадысы бар компьютер қажет, ең тиімдісі – 64 Гб немесе одан да көп. Сонымен қатар Minecraft Redstone сервері арқылы жүйенің жылдамдығын 40 000 есе арттыру қажет. Әйтпесе, екі сағатта шығатын жауапқа 10 жылдай уақыт күтуге тура келеді.
Модель шағын болса да, оның көлемі таң қалдырады. Ол 1020 х 260 х 1656 блоктан тұрады, бұл шамамен 439 миллион блокқа тең. Қарапайым демонстрация жасау үшін Dirty Horizons модулі де қажет. CraftGPT 5 миллионнан астам параметрге ие және TinyChat деректер жиынтығымен оқытылған. Дегенмен жүйе әлі толық мінсіз емес, кейде қателесіп, грамматикалық қателер шығарады немесе жауап орнына қисынсыз мәтін ұсынады.
CraftGPT жобасы ойын мен жасанды интеллекттің мүмкіндіктерін біріктіріп, технология мен шығармашылықтың жаңа деңгейін көрсетеді.
