Пало-Альто қаласындағы 1X компаниясы Neo атты алғашқы толыққанды үйге арналған андроид роботқа алдын ала тапсырыс қабылдауды бастады. Алайда роботты сынаған журналисттер мен сарапшылар бұл құрылғыға күмәнмен қарайды. Мәселе инженерлердің концепцияны іске асыра алмауында емес , керісінше, тұжырымдама өзінен өзі сәтсіз болып шыққан.
Neo роботының бойы 167 см, салмағы 30 кг. Компания мәлімдеуінше, ол 25 кг салмақты тасымалдауға, ал орнында көтеруге 70 кг дейін қабілетті. Роботтың 22 еркіндік дәрежесі бар, көбінесе қолдарында шоғырланған, бұл оған үйдегі әртүрлі жұмыстарды орындауға мүмкіндік береді. Кеңістікте бағдарлану үшін Neo екі 8 Мп камера, төрт микрофон және үш динамик, сондай-ақ арнайы жасанды интеллект пайдаланады.
Neo жаңа ортада тәуелсіз жұмыс істей алмайды. Жаңа ортаға бейімделу үшін ұзақ оқытуды қажет етеді, оны компания артықшылық деп көрсетеді. Яғни робот әрбір тапсырыс берушінің қажеттіліктеріне бейімделуі тиіс. Дегенмен қиын жағдайларда жасанды интеллект шешім қабылдай алмайды, сондықтан басқаруды қашықтағы оператор өз мойнына алады. Компания ресми түрде хабарлағандай, қызметкер үйдегі роботты басқарады және онда болып жатқан барлық әрекеттерді көре алады.
Үйде «тыйым салынған аймақтарды» белгілеп, роботтың кірмеуін бақылауға болады, бірақ жеке ақпаратты қорғау мәселесі әлі де ашық. Егер сырттан адам роботы басқаруға қол жеткізсе, байланыс арнасын зиянкестер қолға түсірмейтініне кепілдік жоқ. Роботты зиянкестік мақсатта немесе тұрмыстық адамдарға қауіп төндіру үшін қолдану қаупі бар. Ал қарапайым үй шаруаларын орындауда Neo баяу жұмыс істейді ,мысалы, The Wall Street Journal журналының журналисі Джоанна Стерннің айтуынша, ыдысты жуу машинасына орналастыруға роботқа оператордың көмегімен бес минут қажет.
Neo роботының бағасы 20 мың долларды құрайды, сонымен қатар ай сайынғы 499 доллар жазылым арқылы пайдалану мүмкіндігі бар.
